![Media Hüquqları İnstitutu diffamasiyanın İnternetə şamil edilməsini pisləyir](https://turan.az/resized/media/2013/main/051400036167-750-500-resize.webp)
Media Hüquqları İnstitutu diffamasiyanın İnternetə şamil edilməsini pisləyir
Media Hüquqları İnstitutu (MHİ) mayın 14-də parlamentin qanunvericiliyə qəbul etdiyi, İnternetdə diffamasiyaya görə cinayət məsuliyyəti müəyyən edən düzəlişləri qətiyyətlə pisləyir.
MHİ hesab edir ki, bu cəzalar ifadə azadlığının pozulması vasitələrindən biridir.
“Cinayət Məcəlləsində 147 və 148-ci maddələrin olması Avropa Şurasının qərarlarına, xüsusən də Avropa İnsan Haqları Məhkəməsinin ifadə azadlığı hüququ ilə bağlı presedent hüququna ziddir”, - deyə MHİ-nin bəyanatında qeyd edilib.
Bundan başqa, 2011-ci ildə Azərbaycan prezidenti tərəfindən təsdiq edilmiş “İnsan hüquq və azadlıqlarının müdafiəsinin səmərəliliyini artırmaq sahəsində milli fəaliyyət proqramı”na əsasən, 2012-ci ildə diffamasiyaya görə cinayət məsuliyyətinin aradan qaldırılması üzrə təkliflər hazırlanmalı idi. Lakin buna zidd olaraq, Azərbaycan parlamenti böhtana və təhqirə görə cəzanı daha da sərtləşdirib.
MHİ bunu geriləmə və hökumətin öhdəliklərinin pozulması kimi qiymətləndirir. -16/06D-
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz