Rəsmi və iqtidaryönlü qəzetlər RF prezidenti Putinin başa çatmış səfərinə dair yazı və fotoları ilk səhifələrə çıxarıblar. Bu qəzetlərdə dövlət başçısı İlham Əliyevin İsmayıllı, Qəbələ, Oğuz rayonlarına səfərləri də yer alıb.
Bundan başqa bu mətbuat ölkənin protest elektoratının birliyi olan Milli Şuranı təhqir və böhtana məruz qoymaq səpgisində yazılarını davam etdirir.
“Azadlıq” qəzeti RF prezidenti Putinin Bakı səfərinin “nəticəsiz başa çatması və əliboş qayıtması” haqda “Reuters” agentlyinin xəbərini manjetə çıxarıb.
Rusiya-Azərbaycan münasibətlərinə şərh verən politoloq Vəfa Quluzadə rəsmi Bakıya “müstəqillikdən verilən pay intihar deməkdir” xəbərdarlığını edib.
Avropa İttifaqı qarşıdakı prezident seçkilərilə bağlı rəsmi Bakıya bütün namizədlərin qeydə alınması barədə mesaj ünvanlayıb.
Milli Şuranın prezidentliyə vahid namizədi Rüstəm İbrahimbəyovun “Rusiya meylli olması” haqda iqtidar mənsublarının ittihamına qurumdan “dövlət başçısı İlham Əliyevin keçmişinə nəzər salmaları” qarşılığı verilib.
Araşdırmaçı jurnalist Xədicə İsmayıla qarşı təzyiqlərə etiraz olaraq bir sıra beynəlxalq qurumlar dövlət başçısı İlham Əliyevə məktub ünvanlayıblar.
100-dən çox şəkərli diabet xəstəsinə göndərilən pulsuz dərmanları onlara verməmək üçün Lənkəran rayon mərkəzi xəstəxanasının baş həkimi Ağabala Kəlbiyev bu şəxslərdən gizlənir.
“Zerkalo” RF prezidenti V.Putinin səfərinə “Putinin səfəri baş tutdu, amma inqilab baş vermədi, söhbət müstəsna Azərbaycan Rusiya dövlətlərarası münasibətlərindən gedir” şərhini verib.
“Ekspress” Panama Milli Assambleyasının Ermənistanın Azərbaycan torpaqlarını işğal etməsi haqda qətnamə qəbul etməsi xəbərini önə çəkib.
“Exo” Azərbaycanda çoxsaylı kiçik və orta sahibkarlıq müəssisələri olmasına baxmayaraq ölkə iqtisadiyyatında onların payının 18%-dən də az olduğunu bildirir.
“Novoe Vremya” bu il ölkədə prezident seçlkiləri keçiriləcəyi fonunda Qərbin rəsmi Bakıya ünvanladığı demokratik seçki tələblərinə “Qərbə inanmağa dəyərmi?” şübhəsilə yanaşmasını ilk səhifəyə çıxarıb.
“Bizim yol” politoloq Zərdüşt Əlizadənin Putinin Bakı səfərinə “Putinin İlham Əliyevi dəstəkləməsinin nümayiş etdirilməsi” şərhini önə çəkib.
“Yeni Müsavat” RF prezidenti V.Putinin Bakı səfərini şərh edən dünya politoloqlarının bədbin proqnozlar vermələrinə diqqət çəkir. Bu səfərə dair bəzi sıra politoloqlar “Qərbin öz mövqelərini gücləndirmək yönündə düşünəcəyini” bəyan ediblər.
İctimai və siyasi fəallar Milli Şuranın 18 avqust aksiyasını “hakimiyyətin dəyişməsini istəyən milyonlar üçün yaranan gözəl şərait” kimi dəyərləndiriblər.
Keçmiş deputat Gültəkin Hacıbəyli Milli Şuranın ehtiyat vahid namizədi olmasından imtinası “bəzi səbəblərə görə özünü buna hazır görməməsi” ilə izah edib.
Qəzet rüşvətə görə Sabunçu-Zabrat yolunun genişləndirilməsi layihəsi tam başa çatmadığı üçün dövlət başçısının “qəzəbləndiyini” və “həbslər” ola biləcəyini yazır.
Bakı-II dairəvi yolunun “Binə” Ticarət Mərkəzinin içindən keçəcəyi və bunun nəticəsi olaraq 100-lərlə obyektin söküləcəyi bildirilir.
Cəmiyyət
-
Lider mobil operator yerli bazarda tokenləşdirilmiş balans artımını təklif edən ilk mobil operator oldu Ən innovativ rəqəmsal həlləri müştəriləri üçün əlçatan etməyi hədəfləyən Azercell bu dəfə mobil ödənişlərin asanlığı təmin edir. Lider mobil operator “Apple Pay” və “Google Pay”in “Azercell” mobil tətbiqinə inteqrasiyasını reallaşdırır.
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
Rəy yaz