“Azadlıq” qəzeti Dərnəgül bazarının yaxın aylarda köçürüləcəyi xəbərini manjetə çıxarıb.
Zaqatala rayon sakini Həsəncümə Muradov özünü elektrik cərəyanına bağlayaraq intihar edib. İntiharın səbəbi bəlli deyil. Daha bir intihar Salyanda baş verib, rayon Ziyalılar Birlyinin sədri Qulam Sadıqov özünü güllələyib, intihara səbəb onun xəstə olması göstərilir.
Dopinq analizindəki şübhələrlə bağlı keçən il Avropa ağır atletika çempionatında iştirak edən Azərbaycanın 5 atleti diskvalifikasiya edilərək medallardan məhrum olunublar.
Qəzetin yazdığına görə, Naxçıvanın rəhbəri Vasif Talıbov Bakı polisinin şefi Rafiq Abbasovun qohumu Səxavət Abbasovu “Naxçıvanda hakimiyyət dəyişikliyi etməyə cəhd” ittihamı ilə ev dustağı edib.
Məşhur tarzən Ağasəlim Abdullayevin ailəsinin 2 üzvünün ölümünə, özünün və daha 2 üzvünün xəsarət alması ilə nəticələn yol qəzasının səbəbkarı Xalid Mədətov həbs edilib. O, “Xəzərdənizgəmiçilk”in keçmiş rəisi Aydın Bəşirovun qohumu və biznes şərikidir.
“Yeni Müsavat” Ərdoğan hökumətilə münaqişədə olan Fətullah Gülənin rəhbəri olduğu “Xidmət Hərəkatı”nın marıtn 25-də yayacağı kasetin baş nazirin karyerasını bitirəcəyi xəbərini ilk səhifəyə çıxarıb.
Metro keçidlərində ticarətin ləğv olunması ilə bağlı köşklərin sökülməsi metronun “Koroğlu” stansiyasından başlanır, burada artıq satışa icazə verilmir.
Azərbaycana xeyir işə gələn Əsəd Əliyev martın 16-da Azərbaycan tərəfdə saxlanılıb, Qazax rayon şöbəsində 7 saat dindirilib, ona Rüstəm İbrahimbəyova və Milli Şuraya yaxın olması irad tutulub, Azərbaycanın daxili işlərinə qarışmayacağı haqda iltizama qol çəkdirildikdən sonra Gürcüstana qaytarılıb.
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz