Martın 16-da Krımda yarımadanın statusu ilə bağlı referendum keçirilib. Exit-poll-un nəticələrinə görə, krımlıların 93%-i Rusiyaya birləşməyə səs verib.
Qərbin reaksiyası özünü çox gözlətməyib. Krım referendumunun legiyimliyini bundan əvvəl də tanımayan Ağ Ev sanksiyaların tətbiqi ilə bağlı xəbərdarlıq edib ki, bu da “Rusiyanın təcrid olunmasına gətirib çıxara bilər”.
Ağ Evin mətbuat katibi Cey Karni qeyd edib ki, ABŞ və onun müttəfiqləri bildiriblər ki, hərbi intervensiya və beynəlxalq hüquq normalarının pozulması Rusiya üçün ciddi itkilərə səbəb ola bilər.
Karninin sözlərinə görə, “dünya birliyinin əlini əlinin üstünə qoyub oturduğu və bir ölkənin digərinin ərazisini necə zorla işğal etdiyini müşahidə etdiyi günlər” arxada qaldı.
Bazar ertəsinə keçən gecə ABŞ prezidenti Barak Obama Rusiya lideri Vladimir Putinə telefon edib. Amerikalı analitik bildirib ki, ABŞ Rusiyaya qarşı sanksiya tətbiq etməyə hazırdır. O qeyd edib ki, ABŞ Krım referendumunun nəticələrini tanımaq niyyətində deyil.
“Prezident Obama qeyd edib ki, Rusiyanın hərəkətləri Ukraynanın suverenliyini pozmaqdır”, - Ağ Evin məlumatında deyilir. O deyib ki, ABŞ və onun müttəfiqləri Rusiyanın hərəkətləri ilə bağlı sanksiya tətbiq etməyə hazırdır”, - mətbuat xidmətindən bildirilib.
O əlavə edib ki, “münaqişənin diplomatik həlli” imkanları qalır. Lakin bundan ötrü “Krıma silahlı qüvvələrin müdaxiləsinə son qoyulması” mühüm şərtdir.
Respublikaçı senator Con Makkeyn ABŞ hakimiyyətini Rusiyaya qarşı iqtisadi sanksiya tətbiq etməyə, əsasən Rusiyanın neft ixracına zərbə vurmağa çağırır.
Fransanın xarici işlər naziri Loran Fabius Rusiyanın “Ukraynada gərginliyin yatırılması üçün tədbirlər görməyə çağırıb və Krım referendumunu qanunsuz adlandırıb.
“Rusiya Ukraynanın suverenliyini və ərazi bütövlüyünü tanımalıdır”, - Reuters Fabiusdan sitat gətirib. Nazirin sözlərinə görə, Krımda referendum legitim deyil və Ukrayna Konstitusiyasına ziddir.
Böyük Britaniya XİN rəhbəri Uilyam Heyq oxşar bəyanatla çıxış edib. “Böyük Britaniya referendumu və onun nəticələrini tanımır”, - Heyq vurğulayıb. O, siyasi və iqtisadi sanksiyalarla hədələyib.-02D-
Siyasət
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
-
Türkiyənin “Sabah” qəzetinin məlumatına görə, İstanbul prokurorluğunun Qaçaqmalçılığa Qarşı Mübarizə İdarəsinin əməkdaşları Azərbaycan vətəndaşını böyük miqdarda qızılla saxlayıblar.
Rəy yaz