Rəsmi qəzetlər dövlət başçısı İlham Əliyevin Brüssel səfəri, səfər çərçivəsində görüşləri barədə xəbərləri ilk səhifələrə çıxarıblar.
“Azadlıq” qəzeti Mərkəzi Bankın rəhbəri Elmar Rüstəmovun da adı keçən ölkə manatının çapı əvəzində yol verilən korrupsiya ittihamı üzrə Vyanada başlanan istintaq araşdırmalarının başa çatması xəbərini ilk səhifəyə çıxarıb.
“Azadlıq” radiosunun müxbiri Brüsseldə səfərdə olan dövlət başçısı İlham Əliyevə Azərbaycanda siyasi motivlərlə həbs edilən şəxslərin adlarını çəkdikdən sonra belə İ.Əliyev ölkədə siyasi məhbusun olmasını inkar edib.
Keçmiş nazir, Müsavat Partiyası başqanının müşaviri Tofiq Hüseyn Milli Şurada Abas Abasovun istəyilə razılıq verilməsinə aid “Yeni Müsavat” qəzetindəki yazını “iftira, böhtan, əclaflıq” adlandırıb.
“Zerkalo” metro stansiyalarının ardınca səyyar qəzet satışının da qadağan olunmasına diqqət çəkərək bunu “KİV qurban tələb edir” ironik şəklində təqdim edir.
Bakı-Tbilisi-Qars dəmir yolunun çəkilməsinin yubanmasını qəzet Qərbin Ermənistanı bu layihəyə qoşmaq cəhdlərinə olan müqaviməti, dəmir yolunun çəkildiyi halda Gürcüstanın dəniz limanları vasitəsilə yükdaşımalarının həcminin azala bilməsilə izah edir.
“Ekspress” paytaxt küçələrində səyyar qəzet satışına qadağa qoyulmasını “küçə ticarətinin yasaqlanması” kimi təqidm edir.
Qəzet bu il aprelin 1-dən ölkədə avro-4 ekoloji standartlarını tətbiq olunacağı və bu standartlara cavab verməyən avtomobillərin ölkəyə idxalının dayandırılacağını bildirir.
Beynəlxalq Bankın 3634 müştərisinin kart məlumatlarını ələ keçirən çinli vətəndaşlardan ibarət dəstənin yaxalanmasını qəzet “çinli kibercinayətkarların Azərbaycana daraşması” kimi dəyərləndirir.
“Novoe Vremya” dövlət başçısı İlham Əliyevin səyyar qəzet satışına qadağanı pisləməsinə baxmayaraq, polisin bu qadağanı yenə də tətbiq etməsinə “prezidentin sərəncamını kim sabotaj edir?” sualını ünvanlayır.
“Bizim yol” Hərbi Dəniz Qüvvələrində yoxlamaların başlandığını önə çəkib.
“Yeni Müsavat” baş nazirin keçmiş müavini Abas Abasovun telekanal açmasının arxasında Rusiyanın rəsmi Bakını yenidən sıxmağa başlamasının durması haqda iddiasını ilk plana çəkir.
Qəzet əksər səhifələrini Milli Şurada qalmaq tərəfdarı olan Xalq Cəbhəsi rəhbərliyinin tənqidinə həsr edib.
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz