Rəsmi qəzetlər dövlət başçısı İlham Əliyevin bəzi sərəncamlarının mətnlərini, Azərbaycanın dünyaya tolerantlıq nümunəsi olması mövzusunu ilk səhifələrə çıxarblar.
“Azadlıq” qəzeti Milli Şuranın ölkədəki ağır iqtisadi situasiya ilə bağlı martın 15-də keçirdiyi aksiya və bu aksiyanın “Talana son!” şüarını minlərlə vətəndaşın dəstəkləməsini manjetə çıxarıb və aksiya barədə genişhəcmli məqalə dərc edib. Milli Şuranın sədri Cəmil Həsənli qurumun 15 mart aksiyasını 2015-ci il üçün “uğurlu başlanğıc və bunun davam edəcəyi” kimi dəyərləndirib.
Qəzet Almaniyanın “Bild” qəzetinin jurnalist Xədicə İsmayılın hökumətin korrupsiyaya bulaşmasını ifşa etdiyinə görə həbsdə olması haqda məqalə dərc etdiyini nəzərə çatdırır. Qərb ölkələrinin tənqidlərini rəsmi Bakının islamofobiya ilə əsaslandırmaq istəməsini qəzet “iqtidarın növbəti bərbad bəhanəsi” adlandırır. Vaxtilə müxalifət düşərgəsində olan, indisə iqtidarı bütün gücülə müdafiə edən partiya sədri, deputat Qüdrət Həsənquliyev ölkədə insanların hakimiyyətdən çox hakimiyyətə satılanlara nifrət etdiyini açıqlayıb.
Avropa Oynlarının keçirilməsinə maliyyə vəsaitlərinin xərclənməsini mənasız sayan qəzet bu pullara Böyük Britaniyanın ali məktəblərində 2400 bakalavr, magistr, doktarant oxutmağın mümkünlüyünü xatırladır.
“Yeni Müsavat” RF prezidenti Putinin “yoxa çıxması” kimi “aktual” mövzunu gündəmə gətirib və “Putin bu gün efirə çıxmasa...” “narahatlığı”nı ilk səhifəyə yerləşdirib.
Qəzet YAP funksioneri Siyavuş Novruzovun Milli Şuranın 15 mart aksiyasındakı insanlara “xaricdən qrant alan insanların vətəndaşın rifahından danışması” kimi təhqirini ön plana çəkib.
Novruz bayramı ilə bağlı rəsmi Bakının təşkil etdiyi yarmarkaları qəzet “qiymətlərin baha, keyfiyyətin olmaması” kimi dəyərəndirir.
Politoloq Ərəstun Oruclu “Azadlıq” radiosunun Azərbaycanda sonrakı taleyilə bağlı yüksək səviyyədə müzakirə aparılmasını “müsbət tendensiya” adlandırır.
Qəzet vitrindəki qiymətlərlə kassa qiymətləri arasında kəskin fərqlərə görə “Bazarstore” kimi iri ticarət mərkəzinin də adını alıcıları aldadan market sırasına daxil edib.
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz