Mətbuat-Monitorinq 16.05.15

Rəsmi qəzetlər dövlət başçısı İlham Əliyevin Nobel qardaşları prospektinə paralel inşa edilən dənizkənarı yolun açılışında iştirakı haqda xəbəri ilk səhifəyə yerləşdiriblər.

Bununla yanaşı rəmsi qəzetlər İ.Əliyevin İ.M. Seçenov adına I Moskva Dövlət Tibb Universitetinin Bakı filialının yaradılması, İlqar Mustafayevin Dövlət Bayrağı Meydanı Kompleksinin rəisi təyin edilməsi haqda sərəncamlarının mətnlərini də ilk səhifələrdə dərc ediblər.

“Azadlıq” Beynəlxlaq Banka kredit borclarına görə “oliqarxgeyt işi” üzrə oliqarxların ölkədən çıxışlarına qadağa qoyulmasını manjetə çıxararaq həbslərin nazir və komitə sədrlərini əhatə edəcəyini nəzərə çatdırır.

AXCP sədri Əli Kərimliyə görə, müxalifət-iqtidar görüşü iqtidarın partiyaları öz siyasətinin alətinə çevirmək məqsədi güdür. Milli Şura məsulları iqtidar-müxalifət görüşlərilə “avtoritarizmdən demokratiyaya keçidin mümkün olmaması” bəyanatını səsləndiriblər. Milli Şuranın mayın 24-nə təyin etdiyi etiraz aksiyasını Bakı meriyasının mayın 23-nə sankasiyalaşdırlmasını qurum “daha bir qanunsuz addım” adlandırır.

Almaniyanın “Fokus” jurnalı Azərbaycanda tənqidçi jurnalistlərin üzləşdikləri məhrumiyyətlər və həbsləri barədə yazır.

Eskpertlər Beynəlxaq Banka kredit boclarına görə son vaxtlar iş adamlarının kütləvi həbslərinə “iş adamlarının ölkədən çıxmasına və xaricə kapital axının başlamasına səbəb olacağı” rəyini veriblər.

Ölkəyə avtomobil idxalının 2 dəfədən çox azaldığını yazan qəzet bunu “avtomobil biznesinin iflasa getməsi” sayır.

Ekspertlər ölkədən ixracın 40% azaldığını bildirərək bu mənfi saldo faktını ölkəyə valyuta gəlməməsi, əksinə xaricə axması kimi dəyərləndirirlər. Qaradağ daş karxanasının sahibi vergi orqanlarının iki aydır ki, vergiləri 50 dəfədən çox artırdığını iddia edir, belə ki, əvvəl ildə 3 min manat ödəyiblər, indi isə aya 12 min manat tələb edirlər.

“Ekspress”  bu günlərdə Bakıda açılışı edilən “Bulvar Hotel”in regionun ən böyük oteli olması “iftixarı”nı diqqət mərkəzinə çəkib.

Müxalif siyasi qüvvələr iqtidar-müxalifət görüşünə tənqidi yanaşsalar da qəzet bu görüşü “konsensusa doğru addım” kimi dəyərləndirir. 

“Novoe Vremya”  “oliqarxgeyt işi” üzrə həbslərə “oliqarxların həbsi üçün mövsümün açılması” kimi ironik münasibətini ön plana çıxarıb.

“Bizim yol”  “oliqarxgeyt işi” üzrə daha iki şəxsin həbs edilməsi xəbərini ilk səhifədə yerləşdirib.

“Yeni Müsavat”  baş nazirin keçmiş müavini Abbas Abbasovun Ankarada RF-nin “türk axını” qaz layihəsinə dəstək verməsi iddiasını “Abbas Abbasov Bakıya qarşı-bu dəfə Ankaradan” mövqeyilə ilk səhifəyə çıxarıb.

Qəzet “oliqarxgeyt işi” üzrə “İnter Glass” şirkətinin sahibi Fair Muradovun həbsə alındığını yazır.