Azərbaycanda Moskva Tibb Universitetinin filialı yaradılır

Dövlət başçısının sərəncamı ilə Bakıda Birinci Moskva Dövlət Tibb Universitetinin filialı yaradılır. Məqsəd ölkədə tibb təhsilinin təkmilləşdirilməsidir.

Moskva ali məktəbinin Bakı filialının yaradılması ilə bağlı məsələlərin həlli və onun maddi-texniki bazasının təşkili Nazirlər Kabinetinə tapşırılıb.

Həmçinin hökumətə tapşırılıb ki, 2015/2016-cı tədris ilindən başlayaraq Birinci Moskva Dövlət Tibb Universitetinin Bakı filialının fəaliyyətini təmin etmək məqsədi ilə dövlət sifarişi əsasında tələbə qəbulu planı üzrə yerlərin ayrılması ilə bağlı zəruri tədbirləri həyata keçirsin.

Qeyd edək ki, ölkədə 70 ildən çoxdur ki, Tibb Universiteti fəaliyyət göstərir və hər il minlərlə həkim, tibb işçisi oranı bitirir.

Bu ali məktəbin məzunlarının işə düzəlməsi məsələsi uzun illərdir ki, ciddi problemdir. Odur  ki, daha bir tibb ocağının yaradılması mənasızdır.

Digər ciddi problem isə yerli tibb mütəxəssislərinin səviyyə məsələsidir.

İndiki halda vəziyyətlə bağlı onu demək olar ki, prezident İlham Əliyevin xanımı Mehriban Əliyeva həmin ali məktəbdə oxuyub.-02В-