Mətbuat-Monitorinq 16.08.13

Rəsmi və iqtidaryönlü qəzetlər türkdilli dövlət başçılarının Qəbələ sammiti haqda yazılara geniş yer veriblər. Bu qəzetlər dövlət başçısı İlham Əliyevin İsmayıllı rayonunun soslail inkişafı üçün 2 milyon manat ayırması haqda sərəncamının mətnini dərc ediblər.

Bu qəzetlər ölkənin protest elektoratının birliyi olan Milli Şuranı erməni lobbisi maliyyələşdirməkdə, ölkəyə qarşı destruktiv fəaliyyətdə və s. ittiham edirlər.

“Azadlıq” qəzeti RF prezidenti V.Putinin Bakı səfəri zamanı PA-nın rəhbəri Ramiz Mehdiyevin gözə dəyməməsini “oyundankənar duruma salınması” sayır. 

Rəsmi Bakının bir müddət öncə Kremli Azərbaycana qarşı təxribatda ittiham etməsini dayandırmasını politoloqlar “müəyyən razılaşmaların olması” kimi şərh ediblər. 

Böyük Britaniyanın “Platform London” təşkilatı İlahm Əliyevi “neft-qaz diktatoru” adlandıraraq Avropanı neft-qaz amilinə görə rəsmi Bakının haqsızlıqlarına göz yummaqda ittiham edib.

Qəzet bu il 650 azərbaycanlının Avropadan sığınacaq istədiyini, bu kontingentin tən yarısının Fransada yaşamağa üstünlük verdiyini nəzərə çatdırır. 

Bakinin Böyük-Şor qəsəbəsində olimpiya stadionu tikilməsilə bağlı 1000-dən mənzil və obyekt dağıdılıb, 500-800 manat arasında aşağı həcmli kompensasiya verilib.

“Zerkalo” Rusiyanın MDB ölkələri ilə münasibətlərini təhlil edən ekspertlər hətta real təkliflər alan dövlətlərin belə “Rusiya ilə bir zəncirdə olmaq istəmədikləri” qənaətlərini ifadə ediblər.

“Ekspress” Güney Azərbaycan Milli Oyanış Hərəkatının lideri Mahmudəli Çöhrəqanlının hava limanından Bakıya buraxılmamasını, gəldikləri təyyarə ilə geri qaytarılmasını manjetə çıxarıb. 

Ekspertlər türk dövlətləri başçılarının Qəbələ sammitini “türk dövlətlərinin mürəkkəb problemləri səmərəli həll etmək üçün səylərini birləşdirməsi cəhdi” kimi dəyərləndirirlər.      

“Exo” ekspertlərə istinadən Bakının mərkəzindəki qanunsuz avtoparkların ləğvi üçün daha 15-20 min yerlik yeni avtopark salınmasının laızm olduğunu bildirir. 

Ölkədə orta təbəqənin gəlirlərinin artdığını yazan qəzet bu gəlirlərin artım tempinin inflyasiyanı çətinlikıə qabaqladığını nəzərə çatdırır. 

“Bizim yol” olimpiya stadionu tikintisi ilə bağlı Bakının Böyük-Şor qəsəbəsində sökülən evlərə veriləcək kompensasiyaları məmurların mənimsədiklərini yazır və buna “böyük korrupsiya” qənaətini ifadə edir. 

Qəzet ekspertlərə istinadən 2012-ci ildə 30 min nəfərə yaxın uşağın təhsildən kənarda qaldığını yazır və faktı “təhslilmizin hərif tanımayan şagirdləri” kimi dəyərləndirir.  

“Yeni Müsavat” rəsmi Kremli Azərbaycanda qarışıqlıqlar yaratmaq üçün  Bakıya gizli qrup yerləşdirməkdə ittiham edib. 

RF prezidenti V.Putinin Bakı səfərinin nəticələrinə politoloq Vəfa Quluzadə “Putin istəyinə nail ola bilmədi” qənaətini ifadə edib. 

Türk dövlətləri başçılarının Qəbələ sammitini ekspertlər “türk dövlətlərinin təşkilatlanması, ortaq ordunun yaradılması yönündə müham addım” sayıblar.