Mahmudəli Çöhrəqanlı deportasiya edilir YENİLƏNİB (YENİLƏNİB)

Mahmudəli Çöhrəqanlı deportasiya edilir. O saat  saat 4.30 Bakıdan gəldiyi təyyarı ilə Frankfurta, oradan isə Vaşinqtona  gedəcək.

2013 Avqust 15 (Cümə axşamı) 22:29:27

Mahmudəli Çöhrəqanlı saat 21.00 Bakıya gəlib. Amma vizası olmaması səbəbindən onu hava limanlndan buraxmırlar. Bu bərədə DAK sədri S.Rüstəmxanlı bildirib. O, Çöhrəqanlının Azərbaycana daxil olımasına calışır.

Amma öncə Azərbaycan rəsmiləri eyhamla Çöhrəqanlının gəlişinin arzuolunmaz olduğunu bildiriblər, cünkü bu Tehran rejiminin narazılığını yarada biliər. 

2013 Avqust 15 (Cümə axşamı) 18:44:01

Dünya Azərbaycanlıları Konqresi (DAK) Məşvərət Şurasının (MŞ) sədri, Güney Azərbaycan Milli Oyaniş Hərəkatının (GAMOH) lideri doktor Mahmudəli Çöhrəqanlı bu gecə Bakıya gəlir. Bu haqda Turan-a məlumatlı mənbələrdən bəlli olub.

M.Çöhrəqanlının Bakıya gəlişi problemlə üzləşə bilər. ABŞ-da mühacir həyatı yaşayan M.Çöhrəqanlı Azərbaycana gəlməkdən ötrü  viza almaq üçün Azərbaycanın ABŞ-dakı səfirliyinə müraciət edib. Bir həftəlik gözləntidən sonra Azərbaycan səfirliyi M.Çöhrəqanlıya viza verməyıb. Səfirlik tanınmış hərəkat rəhbərinə vizanı Bakı hava limanında almağı tövsiyə edib. 

DAK sədri Sabir Rüstəmxanlı Turan-ın müxbiri ilə söhbətində bildirib ki, xoşagəlməz durumun yaranmaması üçün yüksək vəzifəli məmurlarla danışıqlar aparır.  

2006-cı ildə doktor Çöhrəqanlı İranın təzyiqlərilə əvvəlcə Türkiyəyə gələrkən oradan deportasiya edilib. Türkiyədən Azərbaycana gələn hərəkat lideri elə həmin gün ölkədən deportasiya olunub. 2012-ci ildə Türkiyə tərəfi M.Çöhrəqanlını tədbirdə iştirak üçün ölkəyə buraxmayıb. 

DAK rəhbərliyi 2006-cı il hadisələrinin yenidən təkrarlana bilməsindən ehtiyat etdiyini nəzərə çatdırıb.-06B-