Apellyasiya Məhkəməsi Xədicə İsmayılovanın barəsində cəzanı qüvvədə saxlayıb

Cümə axşamı Bakı Apellyasiya Məhkəməsi jurnalist Xədicə İsmayılovaya 220 saat ictimai iş kimi inzibati cəzanın verilməsi barədə qərarı qüvvədə saxlayıb. 

Xatırladaq ki, fevralın 26-da Bakıda qanunsuz etiraz aksiyasında iştirak etdiyinə görə X.İsmayılova 400 manat cərimə edilib. O, məhkəmə qərarı qanunsuz olduğuna görə cəriməni ödənməkdən imtina edib. İyunun 10-da Binəqədi Rayon Məhkəməsi X.İsmayılovanın 220 saat ictimai işlə məşğul olması barədə hökm çıxarıb. Ona küçələri süpürmək tapşırılıb. X.İsmayılova razılaşıb və bildirib ki, ölkəni “pisliklərdən  təmizləyək” şüarı ilə işi yerinə yetirəcək.

Bundan sonra X.İsmayılova Əlillərin Reabilitasiya Mərkəzini yığışdırmağa göndərilib. 

Jurnalist bu işi yerinə yetirməkdən imtina edib və öz qərarını mümkün təxribatlar səbəbindən “ictimaiyyət üçün qapalı yerdə” icra etmək istəməməsi ilə izah edib.

O, apellyasiya şikayəti verib, lakin təmin olunmayıb. 

Vəkil Anar Qasımlı məhkəmə qərarının qərəzli olduğunu bildirib. Onun sözlərinə görə, qərardan apellyasiya şikayəti veriləcək və Strasburq məhkəməsinə şikayət olunacaq.-0-