Mətbuat-Monitorinq 16.09.14

Rəsmi qəzetlər dövlət başçısı İlham Əliyevin Bakının Şağan qəsəbəsindəki 124 saylı məktəbin açılışında iştirak etməsini ilk səhifədə yerləşdirib. 

“Azadlıq” qəzeti Avropa Parlamentində Azərbaycanla bağlı xüsusi dinləmələrin keçiriləcəyini önə verərək insan haqlarının durumunun dinləmənin diqqət mərkəzində olacağını qeyd edir.

Nərimanov rayon prokuroru və müavininin işdən çıxarılmasına toxunun qəzet bu olayın hazırda mühakiməsi gedən keçmiş hakim Həsən Əliyevin “icra başçısı təyinatı üçün 1 milyon manat rüşvətlə” əlaqəsi olduğunu yazır. 

 QHT təmsilçiləri rəsmi Bakının  hüquqi şəxslərin qeydiyyatı haqqında qanuna gözlənilən dəyişiklikləri xarici QHT-lərin Azərbaycanda fəaliyyətinin məhdudlaşdırılmasına yönəlməsi kimi dəyərləndiriblər.

 Yüksək bal toplayaraq ali məktəblərə daxil olan tələbələr haqda son vaxtlar hökumətyönlü mediada artan yazıları qəzet rəsmi Bakının “bütünlükdə təhsil sisteminin iflasda olmasını” gizlətmək səyi kimi qiymətləndirir.

 Böyük Britaniyanın “The Guardian” qəzeti Avropa Şurasının üzvü olan Azərbaycanda yüzlərlə siyasi məhbusun, insan halqarı ilə bağlı dəhşətli durumun, avtoritar qanunların olması haqda yazır.

 “Ekspress”  “T-72” tanklarının Bakıda yığılacağı haqda xəbəri ilk səhifədə yerləşdirib.

 “Exo” dünya bazarında neftin qiymətinin enməsinə toxunaraq ekspertlərə istinadən qiymət 90 dollara enərsə bu il Azərbaycan büdcəsinin kəsirlə başa çatacağını önə çəkir.

 “Novoe Vremya” rəsmi Bakının QHT-lərlə bağlı qanunvericiliyi sərtləşdirməsinə “qanunları sərtləşdirmək yox, islahat keçirmək lazımdır” mövqeyini ifadə edib.

 Dünya bazarında neftin qyimətinin enməsi fonunda Azərbaycanla bağlı duruma toxunan qəzet “neftin qiyməti enir, ölkə iqtisadiyyatını nə gözləyir?” sualını ünvanlayır.

“Bizim yol”  baş nazirin müavininin Bakıda keçirilən Azərbaycan-Rusiya Forumunda Qərbin sanksiyalarını pisləməsini “sensasiyalı Rusiya açıqlaması” sayaraq ilk səhifəyə çıxarıb.

  “Yeni Müsavat” hüzr məclislərinin necə keçirilməsi barədə son vaxtlar intensivləşən müzakirələri ilk səhifəyə çıxararaq QMİ-nin mövqeyini “ehsan qadağası”na çıxması kimi şərh edir.

 Həbsdə olan hüquq müdafiəçisi Leyla Yunusun vəkili Fariz Namazlı L.Yunusn ayaqlarında göyərmə izləri olduğunu bildirərək dururmun həqiqətən narahatedici olduğunu nəzərə çatdırır.

 Vəkil Cavad Cavadlı hüquq müdafiəçisi İntiqam Əliyevin həbsinin Avropa məhkəməsinə göndərdiyi işlərlə bağlı olduğunu, bu həbsin həmin işlərin gedişatına hazırda ciddi maneə törətdiyini bildirir.

 Baş nazirin müavini Yaqub Eyyubovun “heç kim Rusiyanı sındıra bilməz” bəyanatını qəzet “Bakıdakı Rusiya forumunun Qərbə qarşı çevrilməsi” adlandırır.