Mətbuat-Monitorinq 16.09.15
Rəsmi qəzetlər Çexiya prezidenti Miloş Zemanın Azərbaycana səfərilə bağlı reportajı ilk səhifələrdə yerləşdiriblər.
“Azərbaycan” qəzeti ABŞ və Avropa əleyhinə “ABŞ-ı ikiüzlü siyasəti və Azərbaycanın yeni xarici siyasət vektorları” və “Azərbaycan Avropa Parlamentilə münasibətləri yenidən nəzərdən keçirir” adlı iki məqalə dərc edib.
“Azadlıq” qəzeti 15 sentyabr yeni dərs ilinin İsmayıllıda çanta və köynək alınmadığı üçün 12 yaşlı məktəbli İsmət Əsədovun intiharı ilə başlaması xəbərini manjetə çıxarıb.
Qəzet Avroparlamentin Azərbaycanla bağlı qətnaməsinə dair şərhlərə geniş yer verib.
ABŞ-ın ATƏT-dəki səfiri Daniel Baer Azərbaycanın insan haqları və söz azadlığına dair öhdəliklərinə əməl etməməsini ölkəsilə daha möhkəm tərəfdaşlığa əsas maneə adlandırıb.
Avroparlamentin Azərbaycanla bağl qətnaməsinə rəsmi Bakının üsyankar mövqeyinə qurumun litvalı deputatı Petras Austrevisius “Avropadan gələn siqnallara doğru reaksiya verməyin vaxtıdır” bəyanatını səsləndirib.
Böyük Britaniyanın “The Economist” jurnalının 2014-cü il üçün açıqladığı Demokratiya İndeksində Azərbaycan 167 ölkə arasında 148-ci yeri tutub.
Avroparlamentin Azərbaycanla bağlı qətnaməsinə etiraz olaraq Milli Məclisin bu günlərdə keçirdiyi iclasa qəzet “hakimiyyətin özünü gülünc hala salması” şərhini verir.
Milli Şuranın sədri Cəmil Həsənli Avroparlamentin Azərbaycanla bağlı qətnaməsini “kifayət qədər sərt, amma obyektiv sənəd” kimi dəyərləndirib.
YAP-ın seçki dairələri üzrə parlamentə namizədlərinin siyahısnı dərc edən qəzet açıqlanan siyahını formal sayaraq əsl siyahının gizli saxlandığını iddia edir.
“Exo” turist putyovkalarının satışının 80% azalmasını yazaraq ekspertlərin bu faktı Azərbaycan turizm operatorların böhran dövrünə daxil olması kimi şərh etməsini diqqət mərkəzinə çəkib.
“Novoe Vremya” Avroparlamentin Azərbaycanla bağlı qətnaməsinə rəsmi Bakının sərt reaksiyasını “qayıdışı mümükn olmayan nöqtə keçildimi?” mövqeyini ön plana çıxarıb.
“Bizim yol” hakim YAP-ın deputatlığa namizədlərin siyahısını açıqlaması haqda xəbəri ilk səhifəyə yerləşdirib.
Qəzet rayon qeydiyyatında olan avtomobillərin Bakıya buraxılmaması ilə bağlı paytaxta girişlərdə etiraz səslərinin ucaldığını, xüsusi dayanacaqların hazır olmadığını, tualetlərin isə ümumiyyətlə tikilmədiyini nəzərə çatdırır.
“Yeni Müsavat” hakim YAP-ın deputatlığa namizədlərinin siyahısını açıqlamasını ilk səhifəyə çıxarıb.
Qəzet yazır ki, dövlət başçısı İlham Əliyev Avroparlamentin Azərbaycanla bağlı qətnaməsini “onun üçün “kağız parçası”ndan artıq olmaması, böhtan üzərində qurulmuş siyasi təxribat” kimi dəyərləndirib.
Rəsmi Bakını tənqidə görə diplomat fəaliyyətindən məhrum edillən Arif Məmmədov bir sıra diplomatların xarici ölkələrdən sığınacaq istəmələrinə “bu prosesin davamı olacağı” xəbərdarlığını edib.
Ölkədəki avtomobillərin 60%-i cəmlənən Bakıda “tıxacların” qarşısını almaq üçün hökumətin rayon qeydiyyatında olan maşınların şəhərə buraxılmaması qərarına əhali haqlı olaraq “biz Azərbaycan vətəndaşı deyilik?” etirazını ifadə edib.
Bu yaxınlarda baş vermiş zəlzələdən Oğuz rayonunun Pada kənd məktəbi qəzalı hala düşüb və buna görə 300 məktəbli dərsə gedə bilmir.
-
- Sual-cavab
- 16 Sentyabr 2015 12:02
-
- Dünyada
- 16 Sentyabr 2015 12:41
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz