Rəsmi qəzetlər dövlət başçısı İlham Əliyevin Sabirabad rayonuna səfəri, Malta baş nazirinin, Polşa baş naziri müavininin başçılıq etdikləri nümayəndə heyətlərini qəbul etməsi haqda xəbərləri, Fövqəladə Hallar Nazirliyinin bir qrup əməkdaşının və bəzi şəxslərin dövlət mükafatları ilə təltif olunmaları haqda sərəncamların mətnlərini dərc ediblər.
“Azadlıq” qəzeti Fransanın Xarici İşlər və İnkişaf Nazirliyinin jurnalist Xədicə İsmayılın həbsinə olan etirazını manjetə çıxarıb. Bakı təcridxanasının rəhbərliyi yazışmalarına və təbriklərinə görə X.İsmayıla xəbərdarlıq edib. Bir qrup xarici araşdırmaçı-jurnalist Xədicə İsmayılın həbsinə cavab olaraq onun araşdırma işini davam etdirəcəklərini, Əliyev ailəsinin biznesinin də bura aid olduğunu bildiriblər.
Hüquq müdafiəçisi Rəsul Cəfərovun istintaq işi yekunlaşıb, siyasi fəal Sirac Kərimlinin həbs müddəti uzadılıb.
Vəkil Aslan İsmayılovun vəkil bürosunun fəaliyyəti dayandırılıb, vəkil hakimiyyətin 1999-cu uldə də bu üsulla əla atdığını, amma heç nə qazanmadığını xatırladıb.
“Ekspress” Bakı Baş Polis İdarəsində 9 nəfər vəzifəli şəxsin işdən azad olunmalasını Bakı polisində “böyük təmizləmə” adı ilə diqqət mərkəzinə çəkib.
Həbsdə olan hüquq müdafiəçisi İntiqam Əliyevə mənimsəmə və israfetmə ittihamı irəli sürülüb.
“Exo”. 2015-ci ildə ABŞ-ın Azərbaycana ayıracağı 13,4 milyon dollar maliyyə yardımının 5,7 milyon dolları Azərbaycanda demokratiyanı “möhkəmləndirmək” üçün nəzərdə tutulur.
“Novoe Vremya” Avropanın Azərbaycandan qaz istəməsinə anlaşılmaz “Azərbaycan qazı Avropaya yenidən lazım olub” münasibətini ifadə edir.
“Bizim yol” Bakı Baş Polis İdarəsində 9 nəfər vəzifəli şəxsin işdən çıxarılması xəbərini ilk səhifəyə çəkib.
Qəzet dünya bazarında neftin qiymətinin düşməsilə bütün dünyada gediş haqlarının düşdüyünü, amma Azərbaycanın bu sırada istisna olduğunu yazır.
“Yeni Müsavat” rəsmi Ankaranın Türkiyədə “Xidmət Hərəkatı”na qarşı həbsləri “qisas əməliyyatı” sayaraq ilk səhifəyə çıxarıb və bunun Bakıya da keçə biləcəyi iddiasını irəli sürüb.
Qəzet həbsdə olan gənc siyasi fəal Orxan Əyyubzadə əfv olunmaq üçün ərizə yazmadığına görə karserə salınıb.
Bələdiyyə seçkilərinə qatılan müxalifət partiyalarının namizədləri rastlaşdıqları qanunsuzluqlarla bağlı hesabat hazırlayırlar.
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz