Rəsmi və iqtidaryönlü qəzetlər dövlət başçısı İlham Əliyevin yenidən dövlət postunda qalması ilə bağlı hələ də təbrik məktublarını dərc edirlər. Ayrı-ayrı ölkələrin hansısa qəzetlərində İ.Əliyevi tərifləyən yazılar bu qəzetlərdə dərc edilib.
“Azadlıq” qəzeti PA-nın rəhbəri Ramiz Mehdiyevin yaxın ətrafının onun “vurulacağı” həyacanını yaşaması ehtimalını ilk səhifəyə çıxarıb.
Qəzet dövlət başçısı İlham Əliyev Türkiyədə səfərdəykən bu ölkənin “Hürriyyət” qəzetinin Əliyevlərin dəbdəbəli həyatı və korrupsiyası haqda məqalə dərc etməsini “İlham Əliyevə qardaş zərbəsi” adlandırır.
Ekspert Arif Yunus prezident seçilməsilə bağlı Gürcüstan prezidentinə göndərilən təbrik məktubları ilə müqayisədə İlham Əliyevə ünvanlanan məktbubları “biznes məktubu” hesab edib.
Miqrasiya xidmətinin Azərbaycanda yaşamaq və işləmək üçün 100-ə qədər britaniyalı mühəndisə uyğun viza verməməsini qəzet “BP ilə Azərbaycan arasında növbəti qalmaqal”kimi şərh edir.
Vətəndaş cəmiyyəti institutları qəzətə açıqlamalarında metro stansiyalarında qəzet-kitab satışına qoyulan qeyri-rəsmi qadağaları “iqtidarın azad mətbuata basqıları” kimi dəyərləndiriblər. Media müdafiə qurumları bu məsələ ilə bağlı artıq Avropa məhkəməsinə müraciət olunduğunu nəzərə çatdırırlar.
Sulutəpədə qanunsuz tikili adı ilə 15 ev sökülərkən polislə yaranan qarşıdurmada yaralananlar olub.
2013-cü ilin ötən 10 ayı ərzində müdafiə və təhlükəsizlik sektorunda 76 hərbçi həlak olub. Bunun yalnız 10-nu döyüş itkisidir.
Azərbaycanla İran arasındakı Biləsuvar keçid məntəqəsində İran tərəfi yükü 30 tondan çox olan maşınları buraxmadığı üçün yenidən növbə yaranıb.
Keçmiş müdafiə naziri Səfər Əbiyev Zərifə Əliyeva küçəsində evinin sökülməsinə dair yayılan xəbərlərlə bağlı həmin evin ona aid olmadığını bildirib.
“Yeni Müsavat” vəzifəli şəxslər, onların ətrafı, siyasətçilər, deputatlar və iş adamlarının barəsində video-materialların olduğunu və gözlənilən kadr dəyişikliklərində bu materialların əsas rol oynayacağını nəzərə çatdırır.
Müdafiə naziri Zakir Həsənovun orduda mətbəx, təmizlik və sürücülük vəzifələrinin mülki şəxslərə verilməsi haqda bəyanatını ekspertlər dəstəkləyiblər.
Qəzet Milli Şurada Rüstəm İbrahimbəyovun sədr kimi qalıb-qalmaması məsələsinə birmənalı münasibətin olmamasının qurum daxilində mübahisələrə səbəb olduğunu nəzərə çatdırır.
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz