Azərbaycan prezidenti İlham Əliyev Ukrayna dövlət başçısı Viktor Yanukoviçin dəvəti ilə 17-18 noyabr 2013-cü il tarixlərində Kiyevə rəsmi səfərə gələcək. Bu barədə Ukrayna prezidentinin müşaviri Andrey Qonçaruk bildirib.
Ukrayna prezidentinin saytının məlumatına görə, Yanukoviçlə Əliyevin görüşü zamanı yüksək səviyyədə Ukrayna-Azərbaycan siyasi dialoqunun dərinləşdirilməsi, qarşılıqlı fəaliyyətin prioritet istiqamətləri üzrə ikitərəfli əməkdaşlığın genişləndirilməsi, energetika və infrastruktur sahəsində, habelə hərbi-texniki sahədə birgə layihələrin həyata keçirilməsi məsələlərinin müzakirəsi planlaşdırılır.
A.Qonçaruk qeyd edib ki, səfərin mühüm elementi Ukrayna və Azərbaycan Prezidentlər Şurasının dördüncü iclasının keçirilməsi olacaq. Bu tədbir Ukrayna-Azərbaycan strateji münasibətlərinin gələcəkdə konkret praqmatik məzmunla tamamlanmasına şərait yaratmaq məqsədi daşıyır. İclasın yekunlarına görə Yekun Protokol imzalanması nəzərdə tutulub.
Səfər çərçivəsində həmçinin bir sıra ikitərfli sənədlərin, xüsusən xarici siyasət, kənd təsərrüfatı, mədəni-humanitar və regionlararası qarşılıqlı fəaliyyət sahəsində sənədlərin imzalanması planlaşdırılır.
Səfər proqramında Əliyevin Ukrayna baş naziri Azarov və Ali Radanın sədri Rıbakla görüşləri də nəzərdə tutulur. -02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz