Mətbuat-Monitorinq 17.01.13
Rəsmi qəzetlər dövlət başçısı İlham Əliyevin qəbulları və sərəncamları haqda yazır.
Bundan əlavə, bu qəzetlər gənclərin əsgər ölümlərinə etiraz olan 12 yanvar aksiyası, Ziyalılar Forumu və İctimai Palata haqqında böhtan xarakterli yazılara yer veriblər.
“Azadlıq” qəzeti eks-prezident Ayaz Mütəllibova yaxın keçmiş deputatların PA rəhbəri Ramiz Mehdiyevin əməllərini araşdırmaq çağırışını “Antimehdiyev kampaniyasına Mütəllibovçuların da qoşulması” xəbərini manjetə çıxarıb.
12 yanvar aksiyasında iştiraka görə yüksək cərimə cəzası alan gənclərin cərimələrini ödəmək üçün başlanan “5 qəpik” kampaniyası genişlənib, artıq 2600 manata yaxın pul toplanıb. Vətəndaş cəmiyyəti institutlarının təmsilçiləri isə bu cərimələri “iqtidarın adamları çörəklə imtahana çəkməsi” sayır.
Dövlət başçısı İlham Əliyevin yanvarın 15-də Nazirlər Kabinetində keçirilən iclasda müxalifətə ünvanladığı “bəzi antimilli ünsürlərin ordunu ləkələmək istəməsi” bəyanatına AXCP sədri Əli Kərimli iqtidara “məhz antimilli ünsürlərin öz vəzifələrinin öhdəsindən gəlməməsi nəticəsində odru ölüm konveyrinə dönüb” ittihamını səsləndirib.
Korrupsiyanın yüksək səviyyəsinə görə dövlət başçısı İlham Əliyevi “ilin adamı” seçən Mütəşəkkil Cinayət və Korrupsiya Haqqında Reportaj qurumuna qarşı rəsmi Bakı etiraz kampaniyasına başlayıb.
İctimai fəallığına görə rəsmi Bakının təzyiqlərinə məruz qalan tanınmış ziyalı və ictimai xadim Rüstəm İbrahimbəyov rəhbəri olduğu Kinematoqrafçılar İttifaqına qarşı başlanan cinayət işinə “məni susdurmaq istəyirlər” şərhini verib.
“Zerkalo” 12 yanvar aksiyasında bir qrup gəncin yüksək cərimə cəzasına cavab olaraq başlanan “5 qəpik” kampaniyasına “Azərbaycan demokratiyasının xilası naminə 5 qəpik” mövqeyini ifadə edir.
“Ekspress”. Əvvəllər Bakı milyonçusu Murtuza Muxtarovun evi, sonra isə “Səadət Sarayı” kimi tanınan bina təmir-bərpa işlərindən sonra PA-nın balansına verilərək Rəsmi Qəbullar Sarayı adlandırılıb.
“Novoe Vremya” Azərbaycan ordusunda ölümlərlə bağlı iqtdarpərəst qurumların “xarici qüvvələri ittiham etməsinə “yenə də xaric günahkardır?” mövqeyini ifadə edir.
“Bizim yol”. Dövlət başçısı İlham Əliyev gənclərin 12 yanvar aksiyasını “antimilli ünsürlərin ordunu qaralaması və ləkələməsi” kimi dəyərləndirib.
“Yeni Müsavat”. 12 yanvar aksiyasında yüksək rütbəli polis zabitinin tabeliyindəkilərə kürd dilində əmr verməsi faktına Daxili İşlər Nazirliyinin mətbuat xidməti “polis sistemində milli azlıqlarının da şərəflə xidmət göstərməsi” kimi cəfəng cavab verib.
“Deputatlıq rüşvəti” videosunda görüntülənən mərhum Sevinc Babayevanın oğlu Ayxan Məmmədov anasının ölümünə görə keçmiş deputat Gülər Əhmədovanın barəsində Avropa məhkəməsinə şikayət verməyə hazırlaşır.
Yanvarın 13-də Lənkərana gedən Müsavat Partiyasının başqanı İsa Qəmbərə qarşı sui-qəsd hadisəsi mediada əksini tapandan sonra Lənkəranda müsavatçılara təzyiqlər başlayıb, yerli sakinlər isə İ.Qəmbəri rayona dəvət edirlər.
-
- Bazarların icmalı
- 17 Yanvar 2013 10:25
-
- Söz istəyirəm
- 17 Yanvar 2013 11:05
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz