Rəsmi qəzetlər dövlət başçısı İlham Əliyevin İranın xarici işlər nazirini, ATƏT-in Minsk Qrupu həmsədrlərini qəbul etməsi haqda xəbərləri ilk səhifələrdə yerləşdiriblər.
Manatın məzənnəsinin sərbəstləşməsi ölkə mətbuatının əsas mövzusu olsa da rəsmi qəzetlər bu sərbəstləşmənin ölkə istisadiyyatına və əhalinin iqtisadi durumuna təsiri haqda hər hansı bir mövqe ifadə etməyiblər.
“Azadlıq” qəzeti rəsmi Bakının manatın ucuzlaşmasına verdiyi qərarı manjetə çıxararaq bunu “əhalini sosial iqtisadi fəlakətin gözləməsi” kimi dəyərləndirir.
Qəzet ABŞ yəhudi qurumlarının maliyyə vəsaitləri müqabilində repressiv Azərbaycan hökumətini dəstəkləmələri haqda “Azad Avropa” radiosunun material yaydığını qeyd edir.
Vətəndaş cəmiyyəti fəalları jurnalist Xədicə İsmayıla qarşı həbsxanada yeni ittihamların irəli sürülməsinə “hamı bilir ki, Xədicə niyə həbs edilib” mövqeyini ifadə ediblər.
Ölkədə iqtisadi durumun ağırlaşması ilə əhalinin 1500-4500 manat arasında dəyişən təhsil haqlarını ödəyə bilməyəcəkləri haqda yazan qəzet ya təhsil haqlarında güzəştlərin olması, ya da ölkəni tələbə üsyanının gözləməsi barədə xəbərdarlıq edir.
Qəzet vəkil Aslan İsmayılovun son zamanlar ölkənin ictimai gündəmində əsas yer tutan məhbus Lamiyə Quliyevanın barəsində genişhəcmli məqaləsini dərc edib.
“Ekspress” Mərkəzi Bankın yenidən bivalyuta səbətinə qayıtmasını “məzənnə siyasətinin dəyişməsi” kimi diqqət mərkəzinə çəkib.
Bakıdakı 90 saylı məktəbin müəllimi şagirdi şlaqla döyməsi faktına görə işdən qovulub.
“Exo” Azərbaycanın hər dustağa gündə 11,06 avro xərcləməsi haqda xəbəri ilk səhifəyə çəkib.
“Novoe Vremya” manatın məzənnəsinin enməsinə “manatın möhkəmliyi” laxladı?” mövqeyini önə çəkib.
Qəzet Avropa məhkəməsinin rəsmi Bakı ilə Yeni Zaman Partiyasının taleyilə bağlı danışılqara başladığını bildirir.
“Bizim yol” Milli Bankın manatın ucuzlaşmasına rəsmən start verməsini ön plana çəkib.
“Yeni Müsavat” Vergilər Nazirliyinə məmur-oliqarxların nəzarətində olan bütün müəssisələrin vergiyə cəlb olunması tapşırığı verilməsini önə çəkərək bunu “oliqarxların vergi qorxusu” kimi qiymətləndirir.
Milli Bankın manatın dollardan asılılığından imtina etməsinə toxunan qəzetə görə, ekspertlər bu addımın manatın ucuzlaşmasını sürətləndirəcəyini deyiblər.
Qəzetin yazdığına görə, jurnalist Xədicə İsmayıl həbsdə ona qarşı irəli sürülən yeni ittihamları “siyasi və hüquqi savadsılzıq” adlandırıb.
Qəzet qeyd edir ki, Naxçıvanın bir qrup polis əməkdaşı bu ilin yanvarında Vasif Talıbovun əleyhinə vərəqələr yaymaqda şübəhli bilinən və Türkiyəyə geçən Çingiz Talıbovu həbs etmək üçün İqdıra gəlib, Ç.Talıbovu zorla maşına mindirərək aparmaq istəyiblər. Türkiyə polisləri işə müdaxilə ediblər və nəticədə Naxçıvan polisləri Türkiyədən deportasiya olunub.
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz