Mətbuat-Monitorinq 17.04.15

Rəsmi qəzetlər dövlət başçısı İlham Əliyevin paytaxta gətirilən yeni metro qatarlarında yaradılan şəraitlə tanış olması haqda yazını ilk səhifəyə yerləşdirib.

Bundan əlavə, “Azərbaycan” qəzeti ABŞ rəhbərliyini təhqirə məruz qoyan “Obama-Kerri cütlüyü: “müstəsnalığın” islamafobiya və ermənipərəst fəsadları” adlı irihəcmli məqalə dərc edib. Bununla yanaşı qəzet Avropa dövlətlərində korrupsiyanın dövlət siyasətinin tərkib hissəsinə çevrilməsi haqda yazı yerləşdirib. 

“Azadlıq” qəzeti Bakı Avropa Oyunlarının Avropa Parlamentində təqdimatı zamanı tanınmış hüquq müdafiəçilərinin rəsmi Bakını “siyasi məhbuslar sürprizi” ilə üz-üzə qoymasını manjetə çıxarıb.

Qəzet yazır ki, AXCP sədri Əli Kərimli vətəndaş cəmiyyəti fəallarından Rəsul Cəfərovuin həbsini “rejimin antimilli mahiyyəti, xalqın savadlı, əqidəli, demokratiya istəyən övladlarını özünə düşmən saymasının nəticəsi adlandırıb.

ATƏT Parlament Assambleyasının komitə sədri İzabel Santos R.Cəfərovu “vicdan məhbusu” adlandırıb.

Demokratik Qüvvələrin Milli Şurası Avropa Parlamentinin “erməni soyqırımı”nı tanınması barədə qətnaməsini “tarixi həqiqətləri təhrif edən, qərəzli və siyasi cəhətdən zərərli sənəd” adlandırır.

Rəsmi Bakının vaxtilə “bazar alverçisi, “şestyorka”” adlandırdığı, Moskvada fəaliyyət göstərən Söyün Sadıqov adlı birisini “Azərros”da diaspor rəhbərliyinə gətirməsini qəzet “hakimiyyəıtin diaspor biabırçılığı” adalndırır.

Hesablama Palatasının Ekologiya Nazirliyində apardığı yoxlamalara toxunan qəzet nazilrikdə maliyyə maxinasiyalarının üzə çıxmadığını nəzərə çatdırır.

“Ekspress”  Bakıda keçirilən “İslam maarifçiliyi və müsair dövr beynəlxalq” konfransında şeyxülislam Allahşükür Paşazadənin “müsəlman dünyasının təxribatlarla üzüz qalması” bəyanatını ilk səhifəyə çəkib.

Qəzet 2015-ci ilin ilk rübündə Azərbaycanda ixracın 37% azaldığını, idxalın isə 37% artdığını nəzərə çatdırır.

“Exo”  ekspertlərə isnadən manatın dollara nisbətdə bu ilin sonuna kimi yaxşı halda 10-15% , pis halda isə daha bir sərt devalvasiya nəticəsində daha 30-35% ucuzlaşacağı barədə proqnozları diqqət mərkəzinə çəkib.

“Novoe Vremya”  Avropa Parlamentinin “erməni soyqırımı” qətnaməsi qəbul etməsini “Ankara və Bakıya zərbə” sayaraq ön plana çıxarıb.

“Bizim yol”  hökumətin büdcə xərclərini azaltmaq istəmədiyini xaricdəki valyuta ehtiyatını xərcləmək üçün ölkəyə gətirməsini ilk səhifədə yerləşdirib.

Qəzet xərçəng xəstələrinə pulsuz verilməli olan dərmanların onkoloji klinikanın apteklərində satıdlığını nəzərə çatdırır.

“Yeni Müsavat”  Avropa Parlamentinin “erməni soyqırımı”nı tanıması barədə qətnamə qəbul etməsinə “Qərbin Türkiyəni Rusiyanın müttəfiqinə çevirməsi” reaksiyası verərək ilk səhifəyə çıxarıb.

Qəzetin iddiasına görə, nazir Ziya Məmmədovla müavini Arif Əsgərov dövlətdən talan etdikləri 200 milyon manata Rusiyada şərikli biznes qurublar.

Qəzet həbsdə olan jurnalist Xədicə İsmayılın beynəlxalq PEN mükafatına layiq görüldüyünü və onlarla idman yazarının PEN-ə qoşularaq X.İsmayılı Avropa Oyunları ərəfəsındə azadlğa buraxmaq çağırışları etdiklərini yazır.