Mətbuat-Monitorinq 17.07.14

Rəsmi qəzetlər dövlət başçısı İlham Əliyevin Suraxanı Günəş Elektrik Stansiyasının açılışında iştirakına dair xəbərlərə geniş yer veriblər. 

“Azadlıq” qəzeti AXC-nin 25 illik yubileyinin keçirilməsini “AXC-nin möhtəşəm yubileyi keçirildi” sərlövhəsilə ilk səhifəyə çıxarıb.

İsveçrə xarici işlər naziri Avropa İttifaqı “Şərq Tərəfdaşlığı” proqramının iştirakçlsı olan Azərbaycanda avtoritar rejimin hökm sürdüyü üçün bu ölkənin proqramda iştirakının səmimiliynə şübhə ilə yanaşdığını bəyan edib.

Bakının “Sovetski məhəlləsi”ndən köçürülənlər üçün bina tikmək barədə bəyanat verən DES MMC-nin məsul şəxsləri dələduzluğa görə həbsə alınıblar. 

Qəzetin yazdığına görə, dövlət başçısının kortejini bu günlərdə “yol tıxacı”na salan general mayor Həsən Şirinovun sürücüsü işdən qovulub.

ABŞ Beynəlxalq İnkişaf Agentliyi (USAİD) açıqlama yayaraq Azərbaycan hökumətilə əməkdaşlığı dayandırdığını bəyan edib.

TQDK-nın keçid balını yenə aşağı salmasına ekspertlər “təhsilin keyfiyyətinin ildən ilə pisləşməsi” kimi şərh ediblər.

Qəzet araşdırmalara istinadən ölkə gənclərinin əsasən 35 yaşdan sonra evlənmələrinə toxunaraq “bu, hakimiyyətin gənclərə yönələn siyasətinin yalnız söz olaraq qalmasının göstəricisidir” cavabını verir.

Qəzetin yazdığına görə, Cəlilabadda mal-qara arasında mənşəyi məlum olmayan xəstəlik yayılıb, xəstəliyin yayılmasının qarşısını almaq üçün rayonda fəaliyyət göstərən mal bazarının müvəqqəti bağlanıb.  

“Ekspress”  ölkədə 3 min vakant müəllim yerinə 18 min sənədin verilməsini  “demokratik rəqabət” adlandırır.

Qəzetin iddiasına görə, son 6 ayda 13742 nəfər işlə təmin edilib.

“Exo”  1995-2013-cü illərdə Azərbaycan iqtisadiyyatına 83 milyard xarici investisiya yatırıldığını, 20140-cü ilin yanvar iyun aylarında bu göstəricinin 2,2 milyard manat təşkil etdiyi bildirilir.

“Novoe Vremya”  Almaniya qəzetlərinin Azərbaycanda insan haqları barədə məqalələr dərc etməsinə “Frau Merkel nədən birdən-birə Azərbaycana xoş gəlmək istəyib?” kimi anlaşılmaz mövqe sərgiləyir.

“Bizim yol”  Rusiyada Abbas Abbasovla bağlı sensasiyalı faktların açıqlanmasını ilk səhifəyə çıxarıb.

Qəzet MTN və ölkə prokurorluğunun Rauf Mirqədirovun erməni kəşfiyyatına bağlı olması haqda birgə məlumat yaymasına diqqət çəkir.

“Yeni Müsavat”  20 ildən artıq Azərbaycanda fəaliyyət göstərən ABŞ-ın “Mc.Demott Caspian Contractors” şirkətinin Bakıdan qovulmaqda olması iddiasını manjetə çıxarıb və bunu “”hökumətin varlandıqca xarici investisiyanı ölkədən çıxarması” kimi dəyərləndirir.

USAİD Azərbaycanda müstəqil medianın inkişafına dair qrant layihəsilə bağlı hər şeyin yerində olduğunu, korrupsiyaya yer verilmədiyini bəyan edir, amma 2,4 milyon manatlıq layihəni hansı təşkilatın udması açıqlanmır.

Neftçilərin Hüquqlarını Müdafiə təşkilatı (NHMT) son 6 ayda ölkədə 6 min neftçinin işdən azad olunması haqda açıqlama verib.

Gürcüstan tərəfi 3 ton narkotik vasitənin Gürcüstanda ələ keçməsində Azərbaycanın da rolu olduğunu, dövlət başçısı İlham Əliyevin, daxili işlər Ramil Usubovun və  DSX rəisinin əməliyyatdan xəbərdar olduğunu yazır.