Rəsmi və iqtidaryönlü qəzetlər avqustun 15-16-da Qəbələdə Türk Dövlətləri Əməkdaşlıq Şurasının III Zirvə toplantısının keçirilməsi, rəsmilərin görüşləri haqda xəbərləri ilk səhifəyə çıxarıblar.
Bundan əlavə, bu qəzetlər ölkənin protest elektoratının birliyi olan Milli Şura ilə bağlı təxribatçı mövqeli yazılarını davam etdirirlər.
“Azadlıq” qəzeti ABŞ-dan Əliyevə “Rusiyanın Azərbaycanda sabitliyə ən böyük təhlükə olması” kimi qorxulu xəbərdarlıq olunmasını manjetə çıxarıb.
Qəzet öz saytına hücumların İran və Rusiya üzərindən təşkil olunduğunu yazaraq əsas məqsədin saytın yerləşdiyi şirkətin serverlərini çökdürmək olduğunu bildirir.
Müxalifət qüvvələrinin 18 avqust aksiyasına razılıq verildikdən sonra ölkə boyu başlanan həbsləri qəzet rəsmi Bakının “seçki qorxusu” adlandırır.
Milli Şurada təmsil olunan islamyönlü qurumlar 18 avqustda öndə olacaqlarını bəyan ediblər.
Siyasi ekspertlər Güney Azərbaycanın ünlü liderlərindən Mahmudəli Çöhrəqanlının Bakı aeropotundan geri qaytarılmasını “rəsmi Bakının İran önündə qorxusu” kimi şərh ediblər.
Ekspertlər Rusiyanın Xəzərdə hərbi təlimlərini “Azərbaycanın suverenliyinə təhdid, Qərbə əzələ nümayiş etdirmək” adlandırıblar.
“Zerkalo” müxalifət düşərgəsindəki duruma “anlaşılmaz situasiya” şərhi verərək “ola bilər ki, Rüstəm İbrahimbəyov özü də bilmədən müxalifətin seçkiöncəsi planını qarışdırıb” qənaətini ifadə edir.
“Ekspress” dünyada mövcud olan 6 türk dövlətinin 1,5 trilyonluq istehsal gücünə malik olduğunu yazaraq bunu “türk dünyasının iqtisadi gücü” kimi şərh edir.
“Exo” ekspertlərə istinadən bu ilin 6 ayı ərzində ölkədə 26, 520 milyon manatlıq mənzil sahəsinin istismara verildiyini bildirir.
“Novoe Vremya” Azərbaycanda seçkiöncəsi ABŞ konqresmenlərinin köməkçilərinin bir qrupunun Milli Məclisin dəvətilə ölkəyə səfərəni “Amerika elçiləri, nə ilə gəlmisiniz?” sualı ilə qarşılayıb.
“Bizim yol” İsa Qəmbər və Eldar Namazovun seçkilərə qatılmaq istədiklərini, Əli Kərimlinin boykota getdiyini yazaraq “Milli Şuranın parçalanma ərəfəsində” olması ilə bağlı rəy verir.
Nəqliyyat Nazirliyi Milli Şuranın 18 avqust aksiyası ilə bağlı “20-ci sahə” istiqamətində işləyən marşrutların qısaldılmış trayektoriya ilə hərəkət edəcəklərini və bu trayektoriyanı polis orqanlarının müəyyənləşdirəcəyini təsdiqləyib.
“Yeni Müsavat” ölkənin protest elektoratını birləşdirən Milli Şuranın sədri Rüstəm İbrahimbəyovun tərəfdaşlarının zənglərinə cavab verməməsini “qurum rəhbərliyindən küsməsi” sayaraq önə çəkib.
Qəzetin yazdığına görə, Milli Şuranın prezidentliyə vahid namizədi R.İbrahimbəyovun namizədliyinin qeydə alınmaması ehtimalına görə qurum eks-deputat Gültəkin Hacıbəylinin vahid namizəd olması üzərində iş aparır.
Qəzet paytaxtda 50 minə yaxın evin söküləcəyini yazaraq 22 mindən çox belə evin Dövlət Neft Şirkətinin ərazilərində olduğunu, “Xutor”, “Qaraşəhər”, “Sovetski” və “Böyük Şor”da söküntü bumunun başlandığını bildirir.
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz