Rəsmi qəzetlər bir sıra fərmanların mətnlərini ilk səhifələrdə yerləşdiriblər.
“Azərbaycan” qəzeti tanınmış hüquq müdafiəçiləri Leyla və Arif Yunusların haqqında çıxarılan məhkəmə qərarına dair 37-c illərin havasına uyğun “Leyla və Arif Yunusların cinayətkar fəaliyyəti tam sübuta yetirildi” adlı məqalə dərc edib.
“Xalq qəzeti” isə bu qərarla bağlı “Leyla və Arif Yunusların xəyanətkar və cinayətkar fəaliyyətlərinin acı nəticələrini yaşaması” adlı məqalə yerləşdirib.
“Azadlıq” qəzeti baş nazirin müavini, YAP icra katibi Əli Əhmədovun keçirdiyi görüş barədə “Yeni Azərbaycan” qəzetinin bir cümlə belə yazmamasını “Yeni Azərbaycan”nı Əli Əhmədovu boykot etməsi” kimi ilk səhifəyə çıxarıb.
Qəzet ölkədə insan haqlarının dözülməz durumda olmasına geniş yer verir.
Cəza çəkdiyi 2 saylı həbsxanada təzyiqlərlə üzləşən REAL rəhbəri İlqar Məmmədovla bağlı bəyanat yayan AXCP sədri Əli Kərimli “rejimin İlqar Məmmədova görə məsuliyyət daşıdığını” bəyan edir.
Rəsmi Bakını Leyla və Arif Yunusları dərhal azadlığa buraxmağa çağıran Avropa Parlamentinin prezidenti Martin Şults həm də iqtidara beynəlxalq qurumlar önündəki öhdəliklərini xatırladır. Ekspertlər L. və A. Yunuslara rəsmi Bakının münasibətini dövlət maraqlarının şəxsi hikkəyə qurban verilməsi adlandırır. Milli Şura L. və A. Yunuslarla bağı çıxarılan məhkəmə qərarını “ədalətsiz və absurd” hesab edir.
Fiziki zorakılığın nəticəsi olaraq avqustun 9-da dünyasını dəyişən jurnalist Rasim Əliyevin yaxınları və dostları ad günü münasibətilə avqustun 16-da məzarı başına toplaşıblar.
Vəkil Qurban Məmmədov ölkənin qanunlarla yox, cinayətkar qrupların daxili qaydaları ilə idarə olunması bəyanatını səsləndirib.
Ölkənin qitisadi durumu da qəzetin diqqət mərkəzindədir. Bakının ən iri ticarət mərkəzələrindən “Sədərək”in şökməkdə olduğu və son bir neçə ayda 400-dən çox dükanın bağlandığı qeyd edilir.
Neftin ucuzlaşması ilə dövlətin gəlirlərinin azaldığını, vətəndaşların müflisləşdiyini deyən eskpertlər ölkədəki durumu “Azərbaycanın “kasıblıq dövrü” yaşaması” kimi şərh ediblər.
“Yeni Müsavat” nazir Ziya Məmmədovun oğlu Anar Məmmədovun “Azərbaycan Amerika Alyansı”nın fəaliyyətinə xitam verdiyini, lobbi adına xarclənən pulların hesabının sorulmağa başlamasını önə çəkib.
Rəsmilərin həbsdə olan REAL Hərəkatının rəhbəri İlqar Məmmədovun hələ ilyarım öncə əfv ərizəsi yazması haqda bəyanatına vəkil Fuad Ağayev “əfv yazması xəbəri həqiqətəuyğun deyil” cavabını verib.
Qəzet bir həftə öncə Xəzərdə itkin düşən Azərbaycanın 4 balıqçısının İranda saxlandığının məlum olduğunu yazır.
Cəmiyyət
-
2017-ci ildə Sumqayıt Şəhər Məhkəməsi Qubadlıdan qaçqın olan Əliyevlər ailəsinin (Əkbər, Sərvinaz, Ramil və daha iki ailə üzvü) 12-ci mikrorayon, ev 7A, mənzil 35 ünvanında qanunsuz tutduğu mənzildən çıxarılması barədə qərar qəbul edib. Məhkəmə əmlakın qanuni sahibinə- Səmayə Əliyevaya qaytarılması barədə qərar qəbul edib.
-
Yanvarın 10-da Bakıda və Abşeron yarımadasında hava tutqun, yağışsız olacaq. Mülayim cənub-şərq küləyi əsəcək. Gecə 5-8, gündüz 9-14 dərəcə isti olacaq.
-
Bakının məşhur restoranlarından olan “Şuşa” restoranın söküntüsü davam etdirilir. Bu gün səhər saatlarında bir neçə ekskavator restoranının ətrafında söküntü işlərini davam etdirib.
-
Mobil operator sənaye təhlükəsizliyi və rifah sahəsində nümunəvi fəaliyyətinə görə təltif edildi “Azercell Telekom” MMC “Sənaye Təhlükəsizliyi Zirvəsi”ndə “İşçi Rifahı 2024” mükafatı ilə təltif edilib. Tədbir Fövqəladə Hallar Nazirliyinin Azərbaycan Dövlət Əməyin Mühafizəsi və Təhlükəsizlik Texnikası Elmi-Tədqiqat İnstitutunun və “Azərbaycan Sənaye Təhlükəsizliyi Assosiasiyası” İctimai Birliyinin birgə təşkilatçılığı ilə baş tutub. Belə ki, münsiflər heyəti lider mobil operatorun SƏTƏM (Sənaye Əməyin Təhlükəsizliyi və Ətraf Mühitin Mühafizəsi) sahəsində fəaliyyətini yüksək qiymətləndirib. Azercell işçi rifahı, sənaye təhlükəsizliyi, ətraf mühit standartlarının təkmilləşdirilməsi və iqlim dəyişikliyi ilə mübarizə istiqamətində həyata keçirdiyi layihələrlə fərqlənib.
Rəy yaz