Mətbuat-Monitorinq 17.09.13

Rəsmi və iqtidaryönlü qəzetlər dövlət başçısı İlham Əliyevin 158 saylı məktəbin binasının təmirdən sonrakı durumu ilə tanış olmasını, Ucar Rayon İcra Hakimiyyətinə 4.7 milyon manat vəsait ayırması haqda sərəncam imzalamasını ilk səhifələrə çıxarıblar.  

“Azadlıq” qəzeti YAP sədrinin müavini Əli Əhmədovun iqtidar komandasında dəyişikliklərin olacağı haqda bəyanatını “kadr islahatları blefi” kimi dəyərləndirir.

İstiqlalçı deputatlar xalqın prezident seçkilərində Milli Şuranın vahid namizədi Cəmil Həsənliyə səs verəcəyi qənaətini ifadə ediblər. 

Milli Şuranın 22 sentyabr aksiyası ilə bağlı ölkə gəncləri aksiyada öndə olacaqlarını bəyan ediblər.  

Müdafiə Nazirliyi əsgər Anar Əsgərovun intihar etdiyini bəyan etsə də əsgərin valideynləri onun qətlə yetirildiyində israr edirlər. 

Avropa Yayım Birliyi bu il İsveçdə keçirilən “Eurovision” musiqi yarışmasında Azərbaycanı jürini rüşvətlə ələ ala bilməsi iddiaları ətrafında araşdırmalara başlayıb. 

“Ekspress” yazır ki, erməni siyasətçi Paruyr Ayrikyan Azərbaycanla Ermənistan arasında ərazi problemini KQB-nin yaratmasını, Azərbaycana sülh təklif etməsi bəyanatlarına görə seçkilərdə güllələndiyini bildirib. 

Avropalıların ildə 82 kiloqram ət yediklərini, Azərbaycanda isə bunun 33 kq. olmasını qəzet “normadan 2 dəfə az ət istehlak olunması” kimi şərh edir.

“Exo” istehlak kreditlərinin artım sürətinə görə vətəndaşların gəlir artımını üstələdiyini, borcları bağlamaq üçün vətəndaşların bu sahəyə daha çox pul ayırmaq məcburiyyətində qalmasına görə bu kreditləri “borc quyusu” adlandırır. 

“Novoe Vremya” ölkədə seçkilərin nəticələrinin saxtalaşdırılması mexanizminə toxunaraq bu prosesi ironiya ilə “böyüklər üçün əyləncə” adlandırır.

2013-cü il “Eurovision” musiqi yarışmasında Azərbaycanın jürilərin səslərini rüşvətlə ala bilməsi iddiası ilə bağlı Avropa Yaym Birliyi Şurasının başladığı araşdırmasını qəzet “Azərbaycan korrupsiyasının beynəlxalq səviyyəyə çıxması” adlandırır.

“Bizim yol” Diaspor Komitəsinin sədri Nazim İbrahimovun Abas Abasovu “düşmənlərlə bir çətir altında olması” ittihamına məruz qoymasını “milyarderlər ittifaqı” ilə savaşın yenidən başlaması” kimi dəyərləndirir. 

“Yeni Müsavat” dövlət başçısının şəxsi mühafizə xidmətinin rəhbəri Bəylər Əyyubovun həb edilən qohumlarının 9 il yarım müddətinə azadlıqdan məhrum olunmalarını ilk səhifəyə çıxarıb. 

Qəzetə açıqlama verən Rüstəm İbrahimbəyov barəsində deyilən “iqtidarla anlaşması” məsələsinə “iqtidarla anlaşan olsaydım heç əvvəldən bu proseslərə qoşulmazdım” bəyanatını səsləndirib.