Tarix elmləri doktoru, professor, Milli Şuranın prezidentliyə vahid namizədi Cəmil Həsənli Türk Tarix Kurumunun fəxri üzvü (Şərəf Üyəsi) seçilib. Bu barədə Kurumun baskanı professor, doktor Mehmet Metin Hülagü Cəmil Həsənliyə məktubunda məlumat verib.
Fəxri üzv diplomu professor C.Həsənliyə Türk Tarix Kurumunun oktyabr ayının 30-da İstanbulda təşkil ediləcək təntənəli mərasimdə təqdim olunacaq. Dünyanın nüfuzlu tarix cəmiyyətinin fəxri üzvü seçilmək Azərbaycan elminin mühüm uğuru sayılır.
İndiyə qədər iki Azərbaycan tarixçisi - mərhum akademik Ziya Bünyadov və professor Süleyman Əliyarlı bu yüksək tarix cəmiyyətinin fəxri üzvləri seçiliblər.
Təqdimat mərasimində Cəmil Həsənlinin Türkiyə Respublikasının 90 illiyi ilə bağlı Türk Tarix Kurumunun üzvləri qarşısında geniş nitq söyləyəcəyi gözlənilir.-05D-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz