“Azadlıq” qəzeti Azərbaycanda prezident seçkilərinə münasibət mövzusunu diqqətdə saxlayır. ABŞ Dövlət Departamentinin prezident seçkilərinin nəticələrinə mənfi rəyinə cavab olaraq PA-nın rəhbəri Ramiz Mehdiyev “ABŞ seçkilərdə müxalifət nümayəndəsinə 25% səs yazılması təklifi etmişdi” açıqlaması verib. Öz növbəsində ABŞ R.Mehdiyevi bu açıqlamasına görə saxtakar adlandırıb. Prezident seçkilərinin nəticələrinə mənbfi rəylərə R.Mehdiyevin aqressiv münasibətini müxalif siyasilər “qitidarın bütün problemləri zorakılıq vasitəsilə həll etməyə çalışması, ölkədə radikal müxalifət yox, radikal iqtidar olması” kimi şərh ediblər.
Prezident seçkilərinin nəticələrinə mənfi rəylərinə görə rəsmi Bakının beynəlxalq qurumlara hücumlarına bu qurumlardan “problemləri gözardı etmək onların həllinə gətrirməyəcək, əksinə narazılığı daha da artıracaq” cavabı verilib. Prezident seçkilərinin nəticələrinə Milli Şuranın sərt mövqeyinə YAP təmsilçisi Siyavuş Novruzovun “Əgər bunlar təhqirlərini davam etdirsələr buna hüquq-mühafizə orqanları yox, YAP-ın gəncləri müdaxilə edəcəklər” bəyanatını ekspertlər “təxribat anonsu” kimi dəyərləndiriblər. DİN mətbuat xidmətinin əməkdaşı Ehsan Zahidovun “polis Milli Şuranın aksiyasına icazə verilməməsi haqda vəsatət qaldıra bilər” bəyanatını ekspertlər sərbəst toplaşamq azadlığına rəsmi qadağa, PA-da hazırlanmış ssenari” adlandırıblar. Milli Şura oktyabrın 20-nə aksiya təyin edib və qurum təmsilçiləri mitinqlərin dinc, qanun pozuntusu olmadan keçiriləcəyini bildiriblər.
Moskva ətrafı Biryulevoda azərbaycanlı Orxan Zeynalovun bir rusu qətlə yetriməsini Rusiya telekanallarının “gündəm olayı”na döndərməsini politoloq Vəfa Quluzadə “rəsmi Kremlin cəmiyyətdəki narazılıqları özündən yayındıraraq milli ədavəti qızışdırması” kimi şərh edib. Qəzet isə bu qətl hadisəsinin şişiridilməsini “Rusiya faşizminin yaratdığı “Orxan Zeynalov fırtınası”” kimi dəyərləndirib.
Qusarda mülki geyimli naməlim şəxslərlə polislər arasında atışma olub. Qalib Quliyev adlı polis əməkdaşı öldürülüb, daha 3 polis nəfəri yaralanıb.
“Yeni Müsavat” qəzeti ABŞ Dövlət Departamenitinin Azərbaycanda prezident seçkilərinə mənfi rəyinə PA-nın rəhbəri Ramiz Mehdiyev və müdafiə naziri Səfər Əbiyevin anti-Amerika açıqlamalarına sətr reaksiyalar verilməsini qəzet “Azərbaycan və ABŞ arasında görünməmiş diplomatik qalmaqal” kimi dəyərləndirir. Müsavat və Xalq Cəbhəsi partiyalarının birləşə bilməsinə Milli Şura formatında vahid partiyaya dönə bilməsinə Müsavat funksoneri Mehman Cavdaoğlu “Cəmil Həsənli birləşmək ideyasını ortalığa qoyarsa, nəticə əldə edilə bilər” mövqeyi ifadə edib. Prezident seçkilərinin nəticələrinə etiraz olan Milli Şuranın mitinqlərinə DİN-in qadağa qoymaq istəməsinə Pənah Hüseyn “Kütləvi çıxışlardan iqtidarın belə narahatlığı hətta 2003-cü ildə də müşahidə olunmamışdı” şərhi verib.
Qəzet Moskvada Orxan Zeynalovun törətdiyi qətlin bütün Rusiya KİV-lərinin gündəminə gətirilməsini “Moskvadakı qətlin Azərbaycana qarşı təxribata çevrilməsi” kimi dəyərləndirirlər.
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz