Mətbuat-Monitorinq 17.11.12

Bugünkü qəzetlərin əsas mövzusu keçmiş rektor Elaşd Abdullayevin hakimiyyəti ifşa edən yeni videogörüntülər yaymasıdır. 

Rəsmi qəzetlər dövlət başçısı İlham Əliyevin Yeni Azərbaycan Partiyasının 20 illik yubileyilə bağlı tədbirdə iştirakı  və çıxışı haqda yazırlar.  

“Azadlq” qəzeti keçmiş rektor Elşad Abdullayevin hakimiyyətin məhkəmə sistemini ifşa edən  videosunu “bomba partlatması” adlandırır.  

Qərbin rəsmi Bakını ciddi tənqidə məruz qoymasına cavab olaraq rəsmi Bakının Avropaya qaz verməyəcəyi bəyanatlarını qəzet “iqtidarın Qərbi enerji ilə şantaj etmək istəməsi” kimi dəyərləndirir. 

Deputat Fəzail Ağamalının qızı Günay Ağamalı qarət edilib. 

Beynəlxalq Bankın rəhbəri Cahangir Hacıyev ölkədə bankların çoxluğundan şikayət edərək optimal hədd kimi 20 bank vahidi olmasını bəyan edir.  

“Zerkalo”  son vaxtlar Kremlin Azərbaycan qarşı təzyiqlərinin sürət götürməsini Azərbaycanda müxalifət adlı siyasi institutun olmamasının nəticəsi sayır.

Ekspress”  Moskvada bazarların çoxunun bağlanacağı halda azərbaycanlıların əksəriyyətinin işsiz qalacağı faktına “Moskva daha çörək vermir” mövqeyini ifadə edir. 

Bakı sakini Nigar Dadaşova Mirmövsüm ağanın ziyarətgahında çoxsaylı dərman preparatı qəbul edərək intihar edib. 

Qəzet rəsmi mənbələrə istinadən bu ilin 10 ayında ölkədə baş verən yanğınlarda 47 nəfərin öldüyünü, 68 nəfərin xəsarət aldığını nəzərə çatdırır.  

“Exo” bank sektorunun kredit potfelinin 50%-ni depozitlərin təşkil etdiyini yazaraq bunu “bankların əhalidən asılı olması” kimi qiymətləndirir.  

“Novoe Vremya” keçmiş rektor Elşad Abdullayevin dövlətin müxtəlif  institutlarını ifşa etməsinə “deputat, polis, hakim... növbədə daha kimdir?” sualı ünvanlayır. 

Nəqliyyat naziri Ziya Məmmədovun oğlu Anar Məmmədovun Azərbaycan iqtidarının piarına xidmət edən ziyafətinə ABŞ-da konqres və Dövlət Departamenti təmsilçilərinin qatılmasına kinayəli “ABŞ-dan olan demokratiya dəstəkçilərinə ziyafət” mövqeyini ifadə edir.     

“Bizim yol”. Keçmiş rektor Elşad Abdullayevin yaydığı videoda görüntüsü olan hakim Ağababa Babayev bundan sonra insult keçirib.  

Qəzet alman ailmlərin sensasiyalı “ölümsüzlük dərmanı”nı tapmaları haqda xəbərə “ölümsüzlük geni tapılıb?” münasibətini ifadə edir. 

Müxalif siyasi liderlər iqtidarın partiyalar haqqında qanuna şəxsi üzvlüyə cəlbetmə və üzvlükdə məcburi 

saxlama ilə bağlı yüksək cərimə və iki il həbs cəzası nəzərdə tutmasına dair  dəyişikliyini “hakimiyyətin isterika içində olması” kimi şərh ediblər.     

“Yeni Müsavat. Gəncə Şəhər İcra Hakimiyyəti şəhər dindarlarından aşura mərasimini şəhərin mərkəzindəki məscidlərdə yox, kənarda keçirməyi tələb edib.  

İqtidarın partiyalar haqqında qanuna nəzərdə tutduğu dəyişikliyi müxalif partiya funksionerləri “siyasi repressiya məqsədilə təklif  olunmuş dəyişiklik” kimi dəyərləndiriblər.