ABŞ və Rusiyanın Cənubi Qafqazda maraqları barədə

 Kremllə münasibətlərin yoluna qoyulması Obama üçün  Medvedyevin prezidentliyi dövründə olduğundan daha çətin olacaq.Medvedyevin vaxtında regional problemlərlə bağlı dialoqları xatırlayan ekspertlər belə hesab edirlər. Turan-ın müxbiri ABŞ-ın Rusiyadakı keçmiş səfiri (dörd il bu postda çalışıb) Con Beyrli il bu mövzunu müzakirə edib.

Amerika-Rusiya münasibətlərinin yenidən yüklənməsi ideyası aktual olaraq qalırmı və bu, Qafqaz ölkələrinə nə vəd edir?  Bu sualın cavabında diplomat deyib ki, yenidən yüklənmə siyasəti ikitərəfli münasibətləri daha konstruktiv etmək üçün cəhd idi. 2008-ci ildə Rusiyanın Gürcüstana müdaxiləsindən sonra münasibətlər daha da pisləşdi. Prezident Obama gəlişi ilə eyham vurdu ki, münasibətlərdə yeni səhifəyə başlamaq istəyir və biz əvvəlki kimi birlikdə işləməliyik.

Bəzi ekspertlər söyləyirlər ki, Qərb İrana qarşı hərbi əməliyyata başlayarsa, Moskva Gürcüstana yenidən müdaxilə edəcək. Bu barədə nə düşünürsünüz?

Diplomat bu sualın cavabında deyib ki, bu ölkələr tarixi əlaqələrə malikdir və hər iki paytaxtda münasibətlərin normallaşmasında maraqlı olan qüvvələr var. Lakin hər iki ölkə  bunu yenidən təkrar etmək üçün hərbi münaqişənin  nə qədər baha başa gəldiyini anlayıb.

Cənubi Qafqaza münasibətdə Rusiya və Qərbin siyasətində hansı fərqlər var? Dağlıq Qarabağda müharibə olarsa, ABŞ və Rusiyanın mövqeyi necə olacaq?

Bu sualın cavabında Beyrli deyib ki, Moskvada çalışdığı dövrdə xarici işlər nazirinin müavini Georgi Karasinlə tez-tez ünsiyyətdə olub. “Biz Dağlıq Qarabağdan çox danışmışıq və demək olar ki, bütün hallarda bizim strateji məqsədimiz eyni olub: biz zorakılığa son qoymaq və nizamlanmaya dair danışıqlar aparmaq istəmişik. Biz hərbi əməliyyatların qızışmasından,sərhəddə atışmalardan və insan ölümündən çox narahat idik”.

Düşünürəm ki, həm ABŞ, həm də Rusiya Bakı və Yerevanla yaxşı əlaqələrə malikdir, onlar gərginliyi azaltmağa yardım edə bilər, yalnız danışıqlar yolu ilə nizamlanmanın münaqişənin həlli yolu olmasına tərəfləri inandıra bilər”, - diplomat vurğulayıb.

Qafqazda “online” hərəkat perspektivlərini necə qiymətləndirmək olar? Belə narahatlıq var ki, Rusiya və Azərbaycan hökumətləri bəzi İnternet-resursları bloklayır, blogerləri həbs edirlər. Bu repressiv metodlar müasir jurnalistikanın inkişafını dayandıra bilər? Bu sualın cavabında diplomat deyib ki, İnternet adamların geniş informasiya spektrinə çıxışına imkanlar yaradır.

“Bu, dünyaya pəncərədir, hələ on il bundan əvvəl mövcud deyildi, bu, adamların baş verənləri anlamasını asanlaşdırır, xalqları və ölkələri birləşdirir. İnternet, smartfon vasitəsilə insanlar informasiya kanallarına çıxış əldə ediblər ki, bu da onların yaşam tərzinə, baş verənləri anlamasına kömək edir. Lakin təəssüf ki, hələ soyuq müharibə dövründən qalan bəzi stereotiplər də var ki,  bu prosesləri əngəlləməyə çalışır. -25В-