Azərbaycan Milli Elmlər Akademiyasının (AMEA) Folklor İnstitutu Tarix İnstitutu ilə birlikdə bu il noyabrın 19-20-də “Folklor və tariximiz” mövzusunda elmi-konfransı keçirməyi planlaşdırır.
Konfransda əsas məqsəd Azərbaycan xalqının folklorda yaşayan tarixinin, eləcə də tarixi hadisələrin folklora təsirini qarşılıqlı öyrənmək, bu məsələlərə yeni prizmadan baxa bilməkdir. Bu baxımdan folklorla tarixin bir-birinə təsiri məsələlərini, inteqrasiya problemlərini araşdırmaq üçün ölkənin folklorşünas alimləri və tarixçiləri ilə birgə müzakirə etmək qərarına gəliblər.
Tədbirə ölkənin elmi qurumlarını təmsil edən 40-a yaxın nümayəndənin qatılacağı gözlənilir. AMEA-nın Humanitar institutularının, Bakı Dövlət, Bakı Slavyan, Azərbaycan Dövlət Pedaqoji universitetlərinin mütəxəssislərinin tədbirə qatılacaqları nəzərdə tutulur. Konfransa 50-yə yaxın məruzə daxil olub. 31 alimin məruzəsinin proqrama daxil edilməsi qərara alınıb
Sevindirici haldır ki, konfransa qatılan tədqiqatçı alimlərin arasında gənc alimlər üstünlük təşkil edir. -05D-
Mədəniyyət
-
Azərbaycanda elektron musiqi səhnəsi son illərdə canlansa da, bu sahədə qadın DJ-lərin sayı hələ də məhduddur. Musiqi sənayesində öz yerini tutmaq istəyən qadınlar təkcə texniki bacarıqları ilə deyil, həm də cəmiyyətin onlara biçdiyi rollarla və gender balanssızlığı ilə mübarizə aparmalı olurlar.
-
Dünyada dayanıqlılıq təşəbbüsləri sürətlə artarkən, Avropa İttifaqının "Yaşıl Gələcək 2025" müsabiqəsi Azərbaycanda gənc innovatorlar üçün ekoloji problemlərə biznes yönümlü həllər təqdim etməyə imkan yaradan bir platformaya çevrilib. Bakıda keçirilən bu müsabiqənin dördüncü buraxılışı Azərbaycanlı gənclərin yaşıl innovasiyalara bağlılığını və yaradıcılığını nümayiş etdirdi, Avropa İttifaqının genişmiqyaslı "Planetimiz naminə" kampaniyasına töhfə verdi.
-
Sənət mübadiləsi və mədəni diplomatiyanın bir bayramı olaraq, Bakıda Ambassador Cultural Club-da “Azərbaycanlı rəssamların gözü ilə Macarıstan” layihəsinin üçüncü mərhələsi çərçivəsində Macarıstanın ənənələrindən və mədəni irsindən ilhamlanan rəsm əsərlərinin sərgisi təqdim edilib. Azərbaycan Respublikasındakı Macarıstan səfirliyi və müstəqil incəsənət platforması «Arts Council Azerbaijan» tərəfindən təşkil olunan bu təşəbbüs iki ölkə arasında sənət və mədəniyyət sahəsində əlaqələrin dərinləşməsinə töhfə verir.
-
Ahmet Güneştekin İstanbul Bələdiyyəsi Feshane Mədəniyyət Mərkəzinin 8 min kvadratmetrlik qapalı salonlarında açılan “İtmiş Əlifba” fərdi sərgisindən bir neçə gün sonra Turan İnformasiya Agentliyinin suallarını cavablandırdı. İstanbulun bələdiyyə sədri Ekrem İmamoğlunun açdığı sərgi 20 iyula qədər açıq olacaq.
Rəy yaz