Mətbuat-Monitorinq 18.03.14

Rəsmi qəzetlər Şirvanşahlar Sarayı kompleksində yeni yaradılan muzey ekspozisiyaları ilə İlham Əliyevin tanış olması haqda xəbəri ilk səhifəyə çıxarıblar.

Bundan əlavə, bu qəzetlər Asif Hacıyevin Slavyan Universitetinin rektoru, Zeyqəm Hüseynovun Sumqayıt Şəhər Məhkəməsinin sədri təyin olunması haqda sərəncamlarını və bir sıra fərmanlarını dərc ediblər.  
   

“Azadlıq” qəzeti PA-nın şöbə müdiri Elnur Aslanovun vəzifəsindən azad olunmasını manjetə çıxararaq bunu hakimiyyətdəki “nurçu”luq davasının nəticəsi sayır.

PA-nın şöbə müdiri Fuad Ələsgərov beynəlxalq qurumlarla əməkdaşlığı dayandırmaq təklifi verib. Qəzet bunu rəsmi Bakının beynəlxalq qurumlara “müharibə” elan etməsi kimi dəyərləndirir.

ABŞ-ın Azərbaycan səfirliyi “İsmayıllı olayları” ilə bağlı məhkəmə prosesinin hökmlərini “siyasi xarakter” daşıdığını bəyan edib.

Binəqədi kəndində qanunsuz toplantı keçirən vəhabi təriqətindən olan şəxslər polis tərəfindən saxlanılaraq 500-1500 manat arasında cərimə ediliblər.

Bakıda kirayə mənzil haqları bahalaşıb, belə ki, birotaqlı mənzilin alyıq kirayə haqqı 300 manat olub.
   

“Zerkalo” rəsmi Kremlin Krımı işğal siyasəti ilə bu işğal siyasətini nümayişkaranə dəstəkləyən müğənni Valerianın Bakıda konserti arasında paralel apararaq rəsmi Bakının mövqeyinin anlaşılmaz olduğuna işarə edir.
   

“Ekspress”  “Xəzər Dəniz Gəmiçilik” QSC-nin sədr müavini Mübariz Mədətovun oğlunun törətdiyi ağır yol qəzasına görə vəzifəsindən azad olunmasını ulk səhifəyə çıxarıb.
 

“Exo”  “referendum” vasitəsilə Krımın Rusyaya ilhaq olunmasını Ermənistan tərəfin Qarabağda “miatsum”un təkrarlanması kimi dəyərləndirir.
      

“Novoe Vremya”  PA-nın şöbə müdiri Elnur Aslanovun vəzifəsindən azad olunmasına “nurçuları ovlama” mövsümünün açıq olması” kimi yanaşaraq “Elnur Aslanov ilk qurbandır, növbəti kimdir?” deyə bu addımların davamı olacağını bildirir.
    

“Bizim yol”  dövlət başçısı İlham Əliyevin PA-nın şöbə müdiri Elnur Aslanovu və “Xəzər Dəniz Gəmiçilik” QSC-nin sədr müavini Mübariz Mədətovun vəzifələrindən azad edilmələrini “cəzalandırılmaları” sayaraq önə çəkib.
    

“Yeni Müsavat”   PA-nın şöbə müdiri Elnur Aslanovun vəzifəsindən azad olunmasını PA-da “nurçu” təmizlənməsi sayaraq ilk səhifəyə çıxarıb, qəzet “təmizləmə”nin PA-nı, parlamenti, ARDNŞ və İdman və Gənclər Nazirliyini, “Azərsun”u əhatə edəcəyini bildirir.

Rəsmi Kremlin Ukraynaya aid Krım bölgəsində rəsmi Kremlin himayəsiilə keçirilən “referendum”u işğal faktı kimi dəyərləndirən ekspertlər belə təhlükənin Azərbaycan və Gürcüstanı da gözlədiyini bəyan ediblər.