Rəsmi qəzetlər demək olar ki, bütün səhifələrini “Şahdəniz-2” sazişinin imzalanması mərasimi haqda yazılara, dövlət başçısı İlham Əliyevin saziş imzalanmasına qatılan ölkələrin rəsmilərini qəbul etməsinə həsr ediblər.
“Azadlıq” qəzeti “Şahdəniz-2” sazişinin Bakıda imzalanması mərasimində Böyük Britaniya xarici işlər nazirinin rəsmi Bakını ifadə, sərbəst toplaşmaq, media və siyasi azadlıqları təmin etməyə çağırışını ilk səhifəyə çıxarıb.
Azərbaycandakı repressiyalarla bağlı Avropa Şurası ölkələrinin hüquq müdafiəçiləri XİN-lərə və deputatlara müraciət ünvanlayıblar.
Qərargahı olmayan partiyaların fəaliyyətinə icazə verilməyəcəyi haqda müddəanın qanuna salınmasını AXCP funksionerləri iqtidarın AXCP-yə qarşı qərəzi adlandırıblar.
Ukraynadakı “avrointeqrasiya hadisələri”ni təhlil edən politoloq Vəfa Quluzadə “Ukraynadan sonra növbə Azərbaycanındır” bəyanatını səsləndirib.
“Zerkalo” “Şahdəniz-2” sazişinin imzalanmasına Qərbin məşhur “kim ki risk etmir, o şampan içmir” məsəlilə yanaşıb.
“Ekspress” Yunanıstan baş naziri Smarasın “Şahdəniz-2” sazişinin imzalanması məarsiminə qatılmamasına ““Qazprom”un ARDNŞ-DESFA sazişini pozduğu iddia edilir” şərhini verib.
“Exo” ekspertlərə istinadən 2014-cü ilin birinci yarısı ərzində ölkədə ərzaq məhsullarının 12-25% arasında bahalaşacağı barədə xəbərdarlıq edir.
Qəzet ekspertlərin açıqlamalarına əsasən yazır ki, ölkə əhalisi gəlirlərinin 6%-ni kreditlərin ödənilməsinə sərf edir ki, bu da rəsmi statistika göstəricilərindən qat-qat çoxdur.
“Novoe Vremya” “Şahdəniz-2” sazişinin imzalanmasını ““Şahdəniz-2-də qazdan çox siyasət olması” kimi dəyərləndirir.
Qəzet QHT rəhbəri Anar Məmmədlinin həbsini “repressiyanın yeni dalğası” kimi qiymətləndirir.
“Bizim yol” “İsmayıllı hadisələri”lə bağlı məhkəmə prosesində rayon deputatının və Mingəçevir polis rəisinin əhalini üsyan olan yerə çağırması haqda ifadələr səsləndiyini manjetə çıxarıb.
Qəzet bu günlərdə Türkiyədəki həbslər zamanı 3 nazir oğlunun, iş adamlarının saxlanmasını “Ərdoğanın komandasına şok zərbə” kimi qiymətləndirir.
“Yeni Müsavat” Türkiyədə aparılan həbslər, saxlanılan 3 nazir oğlu, məşhur iş adamları haqda xəbərləri ilk səhifəyə yerləşdirib və yerli mənbələrə istinadən bu həbslərdə əsas hədəfin baş nazir Ərdoğan olduğu qeyd edilir.
Qəzet QHT rəhbəri Anar Məmmədlinin həbsinin ictimaiyyət arasında ciddi etirazlar doğurmasına diqqət çəkir.
Cəmiyyət
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
Rəy yaz