![Amnesty İnternational: Avropa neft və qaz naminə Azərbaycanda insan hüquqlarını qurban verməməlidir](https://turan.az/resized/media/2013/main/121700062119-750-500-resize.webp)
Amnesty İnternational: Avropa neft və qaz naminə Azərbaycanda insan hüquqlarını qurban verməməlidir
Azərbaycan hakimiyyəti Seçkilərin Monitorinqi və Demokratiyanın Tədrisi Mərkəzinin (SMDTM) rəhbəri Anar Məmmədlinin işi üzrə ədalətli məhkəmə keçirməlidir. Bu barədə "Amnesty International" beynəlxalq hüquq-müdafiə təşkilatının bəyanatında deyilir.
Bəyanatda deyilir ki, məhkəmə onu səlahiyyətlərindən sui-istifadə, vergidən yayınma ittihamları ilə üç ay müddətinə həbs edib.
“Rəsmilərin daim onu və həmkarlarını susdurmaq təzyiqi ilə üzləşməsinə baxmayaraq, Anar Məmmədli illərdir Azərbaycanda demokratiya və insan haqlarını tədris edir", "Amnesty International"ın Avropa və Mərkəzi Asiya proqramının direktor müavini Denis Krivoşyev bildirib.
Bəyanatda deyilir ki, A.Məmmədlinin həbsi Azərbaycanın vətəndaş cəmiyyətinə soyuq mesaj göndərməklə yanaşı İlham Əliyevin avtoritar hakimiyyəti altında artan hədə-qorxu və özünüsenzura atmosferinin gücləndirilməsidir.
A.Məmmədli Böyük Britaniyanın XİN rəhbəri Uilyam Heyqin Azərbaycandan Avropaya böyük qaz kəmərinin tikintisinə dair sazişin imzalanması mərasiminə gəlişindən bir gün öncə həbs olunub.
“Azərbaycanda səfərdə olan Avropa nümayəndələri onları bu ölkəyə gətirən maliyyə maraqlarına baxmayaraq, Azərbaycanın pisləşən insan haqları göstəricilərini qulaqardına vurmamalıdırlar", - Denis Krivoşyev bildirib.-03D-
Siyasət
-
Sentyabrın 1-də keçiriləcək Milli Məclisə növbədənkənar seçkilərdə deputatlığa namizəd olmaq üçün 806 nəfər dairə seçki komissiyalarına müraciət edib. Bu barədə Mərkəzi Seçki Komissiyasının (MSK) bugünki iclasında bu qurumun rəhbəri Məzahir Pənahov bildirib.
-
Cümə günü Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam edib. Məhkəmə Yasamal Rayon məhkəmə iclasının katibinin iki il əvvəl Hacıyev və zərərçəkmiş Ülviyyə Muradova (Alovlu) arasında münaqişə haqqında ifadəsini dinləyib.
-
35 gündür aclıq edən iqtisadçı Fazil Qasımov 1 saylı Bakı İstintaq Təcridxanasının tibbi sanitar hissəsinə keçirilib, bu barədə Turan-a iyulun 19-da günün ikinci yarısında vəkil Rövşanə Rəhimova bildirib.
-
Tbilisidə yerləşən Hüquq və Azadlıqların Müdafiəsi İnstitutu Azərbaycanın Azel.tv saytının təsisçisi Əfqan Sadıqovun üçüncü ölkələrə getməsinə qadağa qoyulması ilə əlaqədar bəyanat yayıb.
Rəy yaz