Ərdoğan bu günkü həbsləri və H.Şükürün partiyanı tərk etməsini pisləyib

Türkiyə mətbuatının çərşənbə axşamı gündəmini rüşvət verilməsi iddiası ilə həyata keçirilən həbslər zəbt edib.

Türkiyə mətbuatı bu gün səhərdən başlayan əməliyyatlarda 37 nəfərin həbsə alındığını yazır. Həbs edilənlər arasında daixli işlər naziri Müəmmər Gülərin. xarici iqtisadiyyat naziri Zəfər Çağlyanın oğlu, tanınmış iş adamları Rza Zərrabi və Əli Ağaoğlu da var. 

Türkiyənin baş naziri Rəcəb Tayyib Ərdoğan bu gün səhər saatlarından başlayaraq həyata keçirilən əməliyyatlar nəticəsində 37 nəfərin saxlanmasına münasibət bildirib. 

 “Türkiyənin daxilində və xaricdə bu ölkənin istiqaməti ilə oynamaq istəyən bir qrup qaranlıq dairələr bilsinlər ki, bunu bacarmazlar. Türkiyə üzərində əməliyyat aparılacaq bir ölkə deyil. AKP iqtidarı buna imkan verməz. Birilərinin topu-tüfəngi, hiyləsi varsa, bizim də Allahımız var. Arxasında mətbauat, sərmayə və xarici bağı olanlar Türkiyədə əməliyyat apara bilməz. Millət və bu iqtidar buna icazə verməz”-deyə Ərdoğan həbslərə münasibət ifadə edib.

Türkiyə hüquq-mühafizə orqanları isə öz növbəsində bu şəxsləri təsadüfən həbs etmədiklərini, onların fəaliyyətlərini bir ildən artıq izləməkdə olduqalrını açıqlayıb.

Bununla yanaşı Türkiyə furbolunun əfsanələrindən Hakan Şükür hakim AKP-ni tərk edib. O, yazılı açıqlamasında bu addımı atmasına səbəb kimi Türkiyənin ünlü din xadimlərindən Fətullah Gülən əfəndiyə bağlı “dərshanələr”in (ali məktəblərə hazırlıq kursları) bağlamasını göstərir. Daha maraqlısı budur ki, H.Şükürün ardınca AKP-dən daha 20 deputatın istefa edəcəyi gözlənilir. 

H.Şükürün AKP-dən istefasını gözlmədiyini deyən R.Ərdoğan H.Şükürü AKP xəttilə deputat seçildiyi üçün deputatlıqdan da imtina etməyə çağırıb.

Son baş verən hadisələr rəsmi Ankaranın siyasətinə ölkənin hüquq-mühafizə orqanları daxilində üstünlük təşkil edən “nurçu”lardan ibarət ciddi müxalifət  olduğunu göstərir.-05D-