![Mətbuat-Monitorinq 19.02.15](https://turan.az/resized/750/500/resize/media/2015/main/021800107074.jpg)
Mətbuat-Monitorinq 19.02.15
Rəsmi qəzetlər əsasən iqtisadi mövzulardakı yazılara üstünlük veriblər. Bu qəzetlər son günlər manatın məzənnəsinin sərbəst buraxılması ilə bağlı yaşanan ajiotaj barədə hər hansı məqalə dərc etməyiblər.
“Azadlıq” qəzeti neftin ucuzlaşması ilə bağlı böhranın davam etdiyi müddətdə rəsmi Bakının bir neçə nazirlik və komitəni ləğv edə bilməsini “hökumətin ehtiyac ssenarisi” adı ilə ilk səhifəyə çıxarıb.
AXCP sədri Əli Kərimli neft böhranının davam etdiyi indiki durumda rəsmi Bakının manatın məzənnəsini sərbəst buraxmasını “neft gəlirlərinin azalmasının ziyanını xalqa ödətdirmək” kimi dəyərləndirib.
Neft böhranı ilə əlaqədar rəsmi Bakının büdcə investisiyalarının 60%-a yaxınını ixtisar edib.
İnsan haqlarının müdafiəsilə bağlı birgə ABŞ-Azərbaycan qurumunun yaradılmasını siyasilər ABŞ-ın rəsmi Bakıya etimazdsızlığının göstəricisi sayırlar.
Qəzet Avstriyanın “Der Standart” qəzetinə isnadən Avropa Parlamentinin vitse-prezidenti Luçazekin rəsmi Bakı lobbiçilərinə rədd cavabı verərək onları pərt etdiyini bildirir.
“RUM” mənzil tikinti şirkətinin rəhbərliyi mənzil tikintisi adı ilə vətəndaşları aldatdığına, dələduzluğa görə həbsə alınıb.
Lənkəran Dövlət Universitetinin müəllimləri iki aydır ki, maaşlarını ala bilməmələri barədə qəzetə müraciət ünvanlayıblar.
“Ekspress” Mərkəzi Bankın rəhbəri Elman Rüstəmovun manatın məzənnnəsinin sərbəst buraxılmasını “manatın daha çevik olacağı” ilə əsaslandırmasını önə çəkib.
Elmlər Akademiyasının Folklor İnstitutu Novruz bayramında əsasən uşaqların əyləncəsi olan qapılara “papaq atmağın” düzgün olmamasını “papaq, qeyrət yerə atılmaz” deyə qadağan etmək istəyir.
“Exo” ölkə həbsxanalarında bir iş yerinə 15 məhbusun iddia etməsini, keçmiş məhbusların 3/1-nin isə təkrar cinayət törədərək həbsxanaya düşmələrini diqqət mərkəzinə çəkib.
“Novoe Vremya” Mərkəzi Bankın manatın məzənnəsilə bağlı açıqlamasına baxmayaraq, manat ətrafında ajiotajın sakitləşməməsini ilk plana çıxarıb.
“Bizim yol” Mərkəzi Bankın manatın məzənnəsilə bağlı açıqlamasına baxmayaraq, manat ətrafında ajiotajın dayanmadığını, valyutadəyişmə məntəqələrində dollara kəskin tələbatın davam etdiyini nəzərə çatdırır.
Ekspertlər vətəndaşların manatı dollara dəyişmələrini “özlərini xoşagəlməz duruma salmaları” kimi dəyərləndirirlər.
“Yeni Müsavat” Qarabağ münaqişəsinin həllinin dondurulması iddiasını ilk səhifəyə çəkib.
Qəzet oliqarx məmurlara məxsus bütün obyektlərin vergiyə cəlb edilməsinin vergilər nazilri Fazil Məmmədovla oliqarx məmurlar arasında gərginlik yaradacağını, amma nazirə qarşı çıxanların “vurulacağını” bildirir.
Qəzet yazır ki, Şəmkirin keçmiş icra başçısı Aslan Aslanov oğlunun qatili Vüqar Əliyevin vəkili Adəm Məmmədovu hədələyərək cəzalandırılması üçün Vəkillər Kollegiyasına şikayət göndərib.
-
- İqtisadiyyat
- 19 Fevral 2015 11:42
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz