2015-ci il yanvarın 1-i üçün Azərbaycanın xarici dövlət borcu 5,081.5 milyon manat (6,478.2 milyon ABŞ dolları) olub, deyə Maliyyə Nazirliyi bildirir. İl ərzində xarici dövlət borcu 328,3 mln manat və ya 6,9% artıb.
Əvvəlki illərdən fərqli olaraq, Maliyyə Nazirliyi son 5 ildə xarici mənbələrdən borclara xidmət və borc alınması əməliyyatlarının hərəkətini açıqlamır. 2014-cü ilin dövlət büdcəsinə əsasən, ötən il xarici borcun ödənilməsinə 697,2 mln manat yönəldilib. Bunun 492,6 mln manatı və ya 70,6%-i əsas borcun payına düşür. Bu da məlum deyil ki, 2014-cü ilin martında yerləşdirilən $1 mlrd 250 mln məbləğində dövlət istiqrazları ümumi xarici borca daxil edilibmi?
Maliyyə Nazirliyinin məlumatına görə, 2015-ci il yanvarın 1-i üçün xarici borcun üçdə ikisi ABŞ dolları, 21,4%-i avro, 9,9%-i SDR (BVF-nin xüsusi borc hüququ) ilə olub.
Hazırda bir nəfərə düşən xarici dövlət borcu $675,3-dır. Bu, 2014-cü ildəkindən $63 və ya 10,3% çoxdur. 08D
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz