Bu ilin yanvarında emal sənayesində istehsal illik hesablamada 11,3% azalıb. Mütəxəssislərin fikrincə, bu, manatın möhkəmlənməsi və neft gəlirlərinin azalması ilə bağlı durğunluq, hətta böhran simptomu ola bilər.
Dövlətstatkoma görə, yanvarda emal sənayesində istehsal həcmi 537,5 mln manat olub. Emal sənayesində istehsalın 36-37%-i qida və neft emalının payına düşüb. Bu sahələrdə istehsal 9,6% və 17,1% azalıb.
Ötən ay emal sənayesinin bir sıra sahələrində azalma olub. Məsələn, tikiş sənayesində istehsal həcmi 1 mln manat təşkil edib. Bu, müqayisəli qiymətlərlə ötən ilin yanvarındakından 80% azdır. Poliqrafiya sənayesində 46,7% azalma olub (3,2 mln manat). Maşın və avadanlıq istehsalı (20,8 mln manat) 12% azalıb.
Hökumət iqtisadiyyatın şaxələndirilməsi siyasətindən danışır. Bu ilin yanvarında qeyri-neft ÜDM-in xüsusi çəksisi 70,5% olub. Ötən il bu göstərici 54,5% təşkil edib. Amma bunun səbəbi təkcə qeyri-neft iqtisadiyyatın artımı yox, həm də neft-qaz məhsullarının azalmasıdır. 08B
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz