Bakı/18.02.15/TURAN Ölkənin qeyri-neft sektorunun ən böyük sərmayədarı olan “Azercell” ötən il Azərbaycanda telekommunikasiyanın inkişafına təxminən 57 milyon manat vəsait qoyub (2013-cü ildə 84,5 mln).
Şirkətin yeni hesabatının təqdimat mərasimində “Azercell Telekom”un prezidenti vəzifəsini icra edən Vahid Mürsəliyev bildirib ki, şirkət ölkədə fəaliyyət göstərdiyi 18 il ərzində isə 1.67 milyard manat sərmayə yatırıb.
2014-cü ildə “Azercell” dövlət büdcəsinə təqribən 112 milyon manat, 18 il ərzində isə 1.11 milyard manat vəsait ödənilib. Ötən il "Azercell Telekom" şirkət 169-dan çox baza stansiyası quraşdıraraq, onların sayını 4 690-a çatdırıb. “3G” şəbəkəsinin tutumunun ölkə üzrə 48%, Bakıda 92 %-ə çatdırılmasına nail olub.
"Azercell Telecom" 1996-cı ildə yaradılıb. Mobil rabitə bazarının 51,3%-ə nəzarət edir. “Azercell”in şəbəkəsi ölkə əhalisinin 99,8%-ni və ya 4,5 milyon nəfərdən çox insanı əhatə edir. --17D--
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz