Mətbuat-Monitorinq 19.09.14
Rəsmi qəzetlər dövlət başçısı İlham Əliyevin Monteneqronun baş nazirini qəbul etməsi haqda xəbəri, Elman Abdullayevin Efiopiyaya səfir təyin olunması ilə bağlı sərəncamın mətnini ilk səhifələrdə dərc ediblər.
“Azadlıq” qəzeti Avropa Parlamentinin Azərbaycanla bağlı sanksiya qərarı verməsini manjetə çıxarıb və qəzet rəsmi Bakını təşvişə salan qətnamənin ağırlaşdırıcı əlavələrlə qəbul olunduğunu bildirir. Azərbaycan XİN Avropa Parlamentinin Azərbaycanla bağlı qətnaməsini “qərəzli” münasibətin göstəricisi adlandırır.
Rəsmi Bakının yeni “çevriliş” şousu hazırladığını iddia edən qəzet bu dəfə “ssenari müəllifi” kimi ABŞ-ı nəzərdə tutur.
Qəzet BMT-nin missiyasının Azərbaycanda cəzaçəkmə müəssisələrinə buraxılmamasını rəsmi Bakının beynəlxalq qurumlara meydan oxuması adlandırır.
Ekspertlər 2006-cı ildə ölkədə 48 min, 2013-cü ildə 143 min ailənin ünvanlı sosial yarıdım alması faktını ortaya qoyaraq ölkədə yoxsulluğun səviyyəsinin azalması haqda rəsmi Bakının bəyanatlarını əsassız adlandırır.
“Ekspress” Dini Komitənin sədri Mübariz Qurbanlıya istinadən ölkə qəbiristanlıqlarında qəbirlərlə bağlı vahid sistemin tətbiq olunması haqda qanun layihəsinin artıq hazır olduğunu qeyd edərək ilk səhifəyə çıxarıb.
Avropa Parlamentinin Azərbaycanla bağlı qətnaməsini Azərbaycan XİN “qərəzli, əsassız, süni” kimi qiymətləndirib.
Gəncə şəhər Nizami Rayon İcra Hakimiyyətinin keçmiş başçısı Məharət Mustafayevə xuliqanlıq maddəsilə cinayət işi qaldırılıb.
“Exo” ölkədə kredit qoyluşunun ancaq 10%-nin regionların payına düşməsini önə çəkərək “region sakinlərinə istehlak kreditlərinin verilməsindən imtina olunmasına səbəb nədir?” sualını diqqətə çatdırır.
Qəzet ekspertlərə istinadən Azərbaycanda İnternet-bazarın orta aylıq dövriyyəsinin 64,6 milyon manat təşkil etdiyini qeyd edir.
“Novoe Vremya” Avropa Parlamentinin Azərbaycanla bağlı qəbul etdiyi qətnaməni “Avropanın çiyinə vurması”, rəsmi Bakının isə bu sənədə mənfi reaksiyasını “rəsmi Bakının söz üçün cibinə əl atmaması” kimi dəyərləndirməsini ön plana çıxarıb.
Azərbaycanın RF-də səfiri Poald Bülbüloğlu Rusiya ilə əlaqələrə görə Bakıya təzyiqlərin olduğunu, amma bu təzyiqlərin “işləməyəcəyi” bəyanatını səsləndirib.
“Bizim yol” ekspertlərə istinadən Rusiyada rubl ucuzlaşdığına görə Azərbaycandan məhsul ixrac etməyin daha sərfəli olmadığı haqda bəyanat səsləndirmələrini diqqət mərkəzinə gətirir.
“Yeni Müsavat” deputat Cavanşir Paşazadənin ehsanla bağlı rəsmi qadağaya əks münasibətini “Şeyxin qardaşından şok açıqlamalar” adı ilə ilk səhifəyə çıxararaq bunu “ehsan şəbəkəsi”nin hökumət iradəsinə qarşı” olması kimi dəyərləndirir.
Avropa Parlamenitndə Azərbaycanla bağlı qətnamə qəbul olunmasına diqqət çəkən qəzet sənəddə siyasi məhbusların həbsinin pislənməsi və azadlıq tələb olunması, Azərbaycan XİN-in isə sənədə sərt cavab verməsi nəzərə çatdırılır.
Hacıqabul şəhər sakini Yalçın Dəmirov döyülməsilə bağlı faktı rayon polisinin ört-basdır etməsinə etiraz olaraq özünü DİN qarşısında yandıracağını bildirib.
Cəmiyyət
-
Müsəlman Birliyi Hərəkatının üzvü, 7 il həbsdə saxlandıqdan sonra 20 gün əvvəl azadlığa buraxılan Əhsən Nuruzadə yenidən saxlanılıb. Bu barədə Turana Müsəlman Birliyi Hərəkatından verilən məlumatda bildirilir ki, dini inanclı fəal oktyabrın 26-da qızının gözü qarşısında saxlanılaraq aparılıb. Onun hansı səbəbdən saxlanması, hara aparılması haqda yaxınlarına heç bir məlumat verilməyib.
-
Həbsxanada 136 gündür aclıq edən İstanbul Universitetinin doktorantı Fazil Qasımovun səhhəti ağır olaraq qalır.
-
Oktyabrın 27-də Bakıda və Abşeron yarımadasında bəzi yerlərdə arabir yağış yağacağı gözlənilir. Gecə yarımadanın bəzi yerlərində leysan xarakterli olacağı, şimşək çaxacağı ehtimalı var. Səhər tədricən kəsiləcək, gündüz hava dəyişkən buludlu, əsasən yağıntısız keçəcək. Arabir güclənən şimal-qərb küləyi gündüz mülayimləşəcək.
-
Oktyabrın 25-də paytaxtın Nizami rayonundakı “Astoria” mehmanxana kompleksində yanğın baş verib.
Rəy yaz