![Mətbuat-Monitorinq 19.11.13](https://turan.az/resized/media/2013/main/111900057985-750-500-resize.webp)
Mətbuat-Monitorinq 19.11.13
Rəsmi və iqtidaryönlü qəzetlər dövlət başçısı İlham Əliyevin Ukrayna səfəri, görüşləri ilə bağlı xəbərləri ilk səhifələrə çıxarıblar.
“Azadlıq” qəzeti “deputat mandatı alveri”nə görə mühakimə edilən keçmiş deputat Gülər Əhmədovaya dövlət ittihamçısının 4 il azadlıqdan məhrumolunma cəzasını istəməsini ilk səhiyə çıxarıb.
Avropada yaşayan azərbaycanlı mühacirlər Azərbaycanda prezident seçkilərinin nəticələrinin saxtalaşdırılmasına etiraz olaraq noyabrın 18-də Avropa Parlamentinin binası önündə aksiya keçiriblər. Qəzet Türkiyənin “Hürriyyət” qəzetində Əliyevlər ailəsi haqda ifşaedici material dərc olunmasına toxunaraq türk mətbuatında belə yazının ilk dəfə yer aldığını bildirir. Ekspertlər rəsmi Bakıya Rusiya Gömrük İttifaqı modelini seçməsinin hakimiyyətinin sonu olacağı xəbərdarlığı ediblər.
Müasir dünyanın həqiqi demokratlarından Andreas Qross ATƏT-i demokartiya normaları və prinsipləri tapdalamaqda ittiham edib. Milli Şuranın sədri Rüstəm İbrahimbəyovun qurumun sədri qalıb-qalmaması məsələsinə münasibətdə təşkilat daxilində fikir ayrılığı davam edir.
Azad Avropa/Azadlıq radioları rəhbərliyi güclü kiber hücumlara məruz qaldığını, yayımda fasilələrin yarandığını bəyan edib.
Nəqliyyat Nazirliyi ictimai nəqliyyatda gediş haqlarının artırılması ilə bağlı təşəbbüs və təkliflərin nazirlikdən yox, sahibkarlardan gəldiyini nəzərə çatdırır.
“Zerkalo” metro stansiyalarında yalnız qəzet-kitab satışının qadağan olunmasına “indi yer altında nə desən almaq olar, yalnız qəzet, habelə kitabdan başqa” mövqeyi ifadə edir.
“Ekspress” İran tərəfin 30 tondan çox yük aparan Azərbaycan maşınlarını İrana buraxmamasını “sərhəddə təzə problem” kimi dəyərləndirir.
“Novoe Vremya” qəzeti Qarabağ münaqişəsinin tənzimlənməsi məqsədilə bu gün Vyanada gözlənilən Azərbaycan və Ermənistan dövlət başçılarının görüşünün vəziyyəti müsbətə dəyişəcəyinə inamsızlıq ifadə edir.
“Bizim yol” ağır dövləti cinayət hadisəsi törətməsinə baxmayaraq keçmiş deputat Gülər Əhmədovaya 4 il cəza istənilməsini “sensasiyalı final” adlandırır.
“Yeni Müsavat” i vaxtilə AMİP-də təmsil olunan iş adamı Vaqif Musayevin həbsini önə çəkir, buna bənzər həbslərin həbslərin yenə olacağı, iqtidarın media və müxalifəti tam sıradan çıxarmaq niyyətində olduğu proqnozu verir.
Qəzet “Texnikabank”ın Tovuz rayon filialında 5 milyon manatlıq maxinasiya haqda yazaraq rayona ayrılan milyonlarla vəsaitin bank vasitəsilə nəqdləşdirilərək Arif Əsgərovun oğluna faizə verən dəstə olduğunu bildirir.
Media ekspertləri metro stansiyalarında qəzet-kitab satışı ilə məşğul olan yayım firmasının bağlanmasına “qəzet yayımının sıradan çıxarılması siyasi qərardır” rəyi veriblər.
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz