![Rusiya prezidenti Ermənistana səfərə hazırlaşır](https://turan.az/resized/media/2013/main/111800057969-750-500-resize.webp)
Rusiya prezidenti Ermənistana səfərə hazırlaşır
Ermənistan XİN rəhbərinin Moskvaya səfəri zamanı dekabrın əvvəlində Vladimir Putinin səfərinə hazırlıq məsələləri müzakirə olunub.
Tərəflər iki prezidentin 3 sentyabr görüşündə ticarət-iqtisadi, hərbi-texniki, həmçinin KTMT və MDB çərçivəsində əldə olunan razılaşmanın yerinə yetirilməsini müzakirə ediblər. Bu barədə RF XİN rəhbəri Sergey Lavrov bildirib.
Müzakirə olunan mövzulardan biri də Qarabağ nizamlanması olub.
“Ümid edirəm ki, yaxın vaxtlarda Ermənistan və Azərbaycan rəhbərliyi arasında birbaşa əlaqələr bərpa olunacaq. Rusiya bu münaqişənin nizamlanması üçün əvvəl qəbul olunmuş razılaşmalar əsasında və tərəflər üçün məqbul formada lazımi atmosferin yaradılmasına hər vəchlə yardım göstərəcək.
“Ermənistan və Azərbaycan prezidentlərinin Vyana görüşündən nə gözləyir” sualının cavabında Lavrov deyib ki, bu, təxminən iki il ərzində ilk görüş olacaq. Prezidentlərin birbaşa əlaqəsi danışıqların davam etdirilməsi, qarşılıqlı məqbul razılaşmanın axtarılması məqsədilə tələb olunan atmosferin bərpası üçün əsasdır.
“Təbii ki, Rusiya həmsədr ölkə kimi ABŞ və Fransa ilə birlikdə üç ölkə prezidentinin bəyanatında əksini tapmış mövqeyə sadiqdir”, - o vurğulayıb.
Rusiya, ABŞ və Fransa prezidentlərinin Şimali İrlandiyada qəbul etdikləri son bəyanatda münaqişənin dinc yolla nizamlanmasına alternativin olmadığı qeyd edilir, tərəflər ATƏT-in əsas prinsiplərinə, ilk növbədə Helsinki yekun aktında əksini tapan prinsiplərə sadiq olmağa çağırılır.-02D-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz