Rəsmi qəzetlər dövlət başçısı İlham Əliyevin bir sıra qanunlara dəyişikliklərlə bağlı fərmanlarının mətnlərini dərc ediblər.
“Azadlıq” qəzeti Naxçıvanın Sədərək gömrük rəisinin Türkiyədə həbsə alınmasını ilk səhifəyə çıxarıb və bu həbs Türkiyədəki antikorrupsiya əməliyyatlarının Azərbaycana uzanması kimi dəyərləndirilir.
Ölkənin vətəndaş cəmiyyətləri institutlarının təmsilçiləri QHT rəhbəri Anar Məmmədlinin həbsinə “bu həbsin hədə-qorxu atmosferini gücləndirməsi, vətəndaş cəmiyyətinin boğulması” şərhini veriblər.
QHT-lər haqqında qanuna dəyişikliklər isə “müstəqil QHT-lərin fatihəsinin oxüunması” kimi qiymətləndirilib.
Jurnalistlərin Beynəlxalq Müdafiə Komitəsi Azərbaycanı “jurnalistlər həbsxanası” siyahısına salıb.
MTN-in təcridxanasında saxlanılan jurnalist Pərviz Həşimlinin atası oğlunun təcridxanada hər gün fiziki işgəncələrə məruz qaldığını bəyan edib.
“Zerkalo” Türkiyədəki antikorrupsiya həbslərini önə çəkərək buna “Ərdoğanı istefa verməyə çağırırlar” yanaşmasını ifadə edir.
“Ekspress” yazır ki, 1994-cü ildən uçuşlar həyata keçirən “Turan AİR” aviaşirkəti bütün müntəzəm uçuşlarını dayandıraraq faktiki sərnişindaşıma bazarını tərk edib.
“Exo” hazırda ölkədə evlərin 15-16%-nin kreditə alındığını, 5-6 ildən sonra isə bu rəqəmin 30-40%-ə qalxacağını nəzərə çatdırır.
“Novoe Vremya” QHT rəhbəri Anar Məmmədlinin həbsindən sonra rəsmi Bakının xarici ölkələrlə əməkdaşlıq edən QHT-lərin ölkənin imicinə zərbə vurması haqda açıqlamalarına “zərbəni seçkini saxtalaşdıranlar, yoxsa, bu saxtakarlığı ifşa edənlər vurur?” sualını ünvanlayır.
“Bizim yol” Türkiyədəki antikorrupsiya həbslərini “Türkiyəni ikiyə bölən savaşın başlaması” kimi dəyərləndirir.
Ərzaq istehsal edən firmaların mağazalara ərzaq satışını dayandırdığını yazan qəzet buna “yeni ildə şok bahalaşma gözlənilir” anonsunu verib.
“Yeni Müsavat” Türkiyədə aparılan antikorrupsiya əməliyyatları ilə bağlı həbslərin Azərbaycana da uzana biləcəyi xəbərini birinci səhifəyə çıxarıb.
NİDA Gənclər Hərəkatı üzvlərinin məhkəməsində müttəhim Şahin Novruzov istintaq zamanı döyülərək 4 dişinin sındırıldığını bəyan edib.
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz