![Azərbaycan-Türkiyə Yüksək Səviyyəli Hərbi Dialoqu başlayıb](https://turan.az/resized/media/2013/main/121800062305-750-500-resize.webp)
Azərbaycan-Türkiyə Yüksək Səviyyəli Hərbi Dialoqu başlayıb
Dekabrın 18-də Azərbaycan müdafiə naziri Zakir Həsənov Türkiyə Silahlı Qüvvələri Baş Qərargahının Baş Plan və Prinsiplər idarəsinin rəisi korpus generalı Alpaslan Erdoğanı qəbul edib.
Müdafiə Nazirliyinin mətbuat xidmətinin məlumatına görə, Erdoğan Azərbaycan-Türkiyə ikitərəfli əməkdaşlıq planına əsasən Bakıda təşkil edilən Azərbaycan-Türkiyə Yüksək Səviyyəli Hərbi Dialoqun növbəti toplantısının fəaliyyətindən məmnun qaldığını bildirib, hərbi əməkdaşlığın dostluq və qardaşlıq münasibətləri üzərində qurulduğunu vurğulayıb.
Silahlı Qüvvələrin inkişafı istiqamətində həyata keçirilən tədbirləri diqqətə çatdıran Müdafiə naziri, regiondakı hərbi-siyasi vəziyyət, ikitərəfli əməkdaşlıq məsələlərinin əhəmiyyətindən danışaraq, Ermənistan-Azərbaycan Dağlıq Qarabağ münaqişəsinin həllinin bölgə üçün vacibliyini qeyd edib.
Sonra Azərbaycan və Türkiyə Silahlı Qüvvələri arasında əlaqələrin inkişafı perspektivləri və digər məsələlər barədə ətraflı fikir mübadiləsi aparılıb.
Xatırladaq ki. dekabrın 18-də Bakıda Bakıda Azərbaycan-Türkiyə Yüksək Səviyyəli Hərbi Dialoqu başlayıb. İki gün davam edən dialoqda Azərbaycan-Türkiyə hərbi, hərbi-texniki, kadr və başqa müzakirə olunur.
Azərbaycan-Türkiyə Yüksək Səviyyəli Hərbi Dialoqu 2007-ci ildən bəri ildə bir dəfə keçirilir. -0-
Siyasət
-
İyulun 18-də Blenheym sarayında (Böyük Britaniya, Oksfordşir) Avropa siyasi birliyinin dördüncü görüşündə qitənin hər yerindən liderlər bir araya gələcək.
-
İyulun 17-18-də Bakıda Korsika, Melaneziya, Polineziya, Karib və Antil adaları qrupundan 15-dən çox siyasi partiya və müstəqillik hərəkatlarının rəhbər şəxslərinin iştirakı ilə birinci qurultayı keçiriləcək. Qurultayı Qvadelupanın azadlığı naminə Xalq Birliyi və Bakı Təşəbbüs Qrupu təşkil edib. .
-
Prezident İlham Əliyev "Respublika Qan Bankı" publik hüquqi şəxsin yaradılması haqqında fərman imzalayıb.
-
Dövlət başçısının sərəncamı ilə Eyvaz Qurbanov Oğuz rayonunun icra başçısı vəzifəsindən azad edilib.
Rəy yaz