Mətbuat-Monitorinq 20.02.13

Rəsmi qəzetlər dövlət başçısı İlham Əliyevin Zaqatalanın sosial-iqtisadi inkişafı üçün 5,5 milyon manat vəsait ayırması haqda sərəncamın mətnini dərc ediblər. Bundan əlavə, bu qəzetlərdə aparıcı müxalifət qüvvələri, AXCP sədri Əli Kərimli,  yazıçı Əkrəm Əylislinin haqqında böhtan, qaralama və  iftira kampaniyası davam edir.

“Azadlıq” qəzeti məmurlara bahalı maşınlarda işə gəlmək qadağasını iqtidarın vətəndaşlarda məmurlar haqda formalaşan mənfi imici dəyişmək səyi sayır.

İctimai-siyasi yazılarda ekspertlər “Binə” Ticarət Mərkəzinin sahibi Kəbirə Məmmədovanın və Bakı metropoliteninin rəisi Tağı Əhmədovun “Azadlıq” qəzetinə ağır cərimə iddiası ilə bağlı qərarları “qəzeti susdurmaq planı” adlandırıblar. 

Tanınmış telejurnalist Sevil Nuriyeva həbsdə olan gənc müsavatçı fəal Nigar Yaqublu ilə bağlı açıqlama verdikdən sonra ATV rəhbərliyi onun layihəsini efirə verməkdən imtina edib. 

Naxçıvan korpusunun komandanı Kərəm Mustafayev zabit və gizirlərə sosial şəbəkələrə girmək qadağası tətbiq edir.  

Ekspertlər dövlət başçısı İlham Əliyevin yasaqlarının aşağı çinli məmurlara aid olduğunu, iqtidarın isə oliqarxların diqtə etdiyi qaydalara boyun əydiyini qeyd edirlər.  

Qarabağ məsələsində Azərbaycanın əslində Rusiya ilə müharibə şəriatində olduğunu, Ermənistanın marionetka olmasını deyən ekspertlər durumu “regionda böyük müharibə təhlükəsi” adlandırırlar. 

“Zerkalo” Ermənistandakı prezident seçkilərini “seçkilərsiz seçki” adlandıraraq Azərbaycanda da eyni məzmunlu seçkilərin keçirilməsinə “prinsip etibarilə Bakı bundan razı qalmalıdır” mövqeyini ifadə edib.

Qəzet  Müsavat Partiyasının lideri İsa Qəmbərin oğlu Turqut Qəmbərin cəriməsimə görə partiya başqanının evindəki əşyaların məhkəmə icraçıları tərəfindən siyahıya alınmasına “həbslər artıq istənilən effekti vermir?” mövqeyini ifadə edir.  

“Ekspress” Azərbaycanın silahlanmasına cavab olaraq RF-nin Ermənistanı silahlandırmasını “maraqların üst- üstə düşməməsi” kimi şərh edir.

Moskvada 50-dən çox azərbaycanlı “qanuni oğru”nun saxlandığı bildirilir.

“Exo” qəzeti Azərbaycanda əhalıinin sayının ildə təqribən 1,5-1,7% artmasını millətin cavanlaşmasına səbəb kimi dəyərləndirir.

“Novoe Vremya”  gənc siyasi fəalların cərimə qərarlarını yerinə yetirməmələrilə bağlı məhkəmə icraçılarının onların mənzillərinə basqın etmələrini “sifarişli qanunsuzluq” adlandırır.

“Bizim yol” Azərbaycanda hərbi vəziyyətin elan edilə biləcəyini yazaraq bunu “iqtidarın seçkilərlə bağlı sərt tədbirlərə başlaması” kimi şərh edir. 

“Yeni Müsavat” Müsavat Partiyasının lideri İsa Qəmbərin oğlu Turqut Qəmbərin cəriməsimə görə partiya başqanının evindəki əşyaların  məhkəmə icraçıları  tərəfindən siyahıya alınmasını “başqanın evinə basqın” kimi dəyərləndirir. 

“Borçalı” cəmiyyəti rəsmi Bakıya həbsdə olan gənc müsavatçı Nigar Yaqublunun azad olunması ilə bağlı müraciət ünvanlayıb. 

İsmayıllı hadisələrində əsassız olaraq təqsirli bilinərək həbsə alınan Tofiq Yaqubluya ailəsi ilə görüş verilmir. 

Əkrəm Əylislinin əsərləri dərsliklərdən çıxarılır və bununla bağlı Təhsil Nazirliyinə rəsmi müraciət göndərilib. 

Ermənilərin bu gün Xocalı aeroportunda təyyarələrin uçuşuna başlamaq avantürası yeni müharibənin anonsu kimi dəyərləndirilir. 

RF prezidenti Putinin nəzarətində olan Ləzgi Milli-Mədəni Muxtariyyətinin Bakını Dağıstanı ələ keçirməkdə ittiham etməsi “Azərbaycana hücumun başlanması” sayılır.