Mətbuat-Monitorinq 20.08.15

Rəsmi qəzetlər dövlət başçısı İlham Əliyevin heyvandarlığın inkişafına dövlət dəstəyinin gücləndirilməsi üçün “Aqrolizinq” ASC-yə 15 milyon manatın ayrılması, süni mayalanma ilə alınan hər baş buzova görə heyvan sahiblərinə 100 manat subsidiyanın verilməsi haqda sərəncamların mətnlərini ilk səhifələrdə yerləşdiriblər. 

Bundan əlavə, bu qəzetlər ölkənin müxalifət partiyalarını təhqirə məruz qoyan yazılara yer veriblər.

“Azərbaycan” qəzeti Leyla Yunusu müdafiə etdiklərinə görə Xalq Cəbhəsi və Müsavat partiyalarını “ermənipərəst alətlər” deyə təhqir edir, AXCP sədri Əli Kərimlinin əmisioğlunin İŞİD-lə bağlı ironiyasına görə partiya terror təşkilatı İŞİD-lə əlaqədə ittiham edilir.

“Xalq qəzeti” isə Leyla və Arif Yunusları Ermənıstanın xüsusi xidmət orqanlarına işləməkdə suçlayır.

AXCP sədri Əli Kərimlinin əmisioğlu İnqilab Kərimovun İŞİD-lə bağlı ironik statusuna “AXCP-nin əsl simasının üzə çıxması” kimi təhqiramiz yanaşma sərgiləyir.

“Azadlıq”  nazir Zakir Həsənovun vəzifəyə gətirdyi kadrların bəzilərini vəzifələrindən çıxarmasını “şok dəyişikliklər” adı ilə manjetə çəkib.

Qəzet ölkədə insan haqları ilə bağlı durumu geniş şərh edir. Belə ki, Avropa İttifaqının  ali nümayəndəsi Federika Mogerini yaydığı bəyanatla rəsmi Bakını Leyla və Arif Yunusları azad edərək işə yenidən baxmağa çağırır.

Jurnalist Rasim Əliyevin qətlində adı keçən futbolçu Cavid Hüseynovun zaminə buraxlmasına dair bir qrup saytların yaydıqları müraciətə əks bəyanat yayan digər bir qrup bu qətlin üstünün açılmasını “Azərbaycanın şərəf məsələsi” sayırlar.   AXCP-nin bir neçə keçmiş üzvünün AXCP-də rəhbərliyi ələ keçirməklə bağlı fəaliyyətə keçmələrini hakimiyyətin sifarişi sayan qəzet buna məşhur filmdəki “8 min pul alıblar, oynamaqlarına bax” ironiyasını ifadə edir.

Qəzet Kremlin layihəsi olan “Avrasiya İttifaqı Hərəkatı”nı Azərbaycanda yaratmaq cəhdlərinə görə MTN-in keçmiş şefi Nəriman İmranovun və RF ədliyyə generalı İlqar Qasımovun həbsinə hazırlıq gediyi iddiasını nəzərə çatdırır.  

Xalq artisti Habil Əliyevin müayinəsi üçün Türkiyədən həkim dəvət olunmasını qəzet “ölkə səhiyyəsinin bərbad durumunun sübutu” adlandırır.

“Avesta” şirkətinin rəhbəri İbrahim Nehrəmli ağır maliyyə durumu səbəbilə 4900 nəfəri işdən azad edib.  

“Ekspress”  Qarabağ probleminin indiyə kimi həllini tapmamasını “hüququn güclə bacara bilməməsi” “kəşfi” ilə əsaslandırımasını diqqət mərkəzinə çəkib.

Qəzet vətəndaşın maaşına əsasən kredit verilməsilə bağlı Mərkəzi Bankın yeni qaydasını “kredit almağın çətinləşməsi” kimi dəyərləndirir.

“Exo”   İŞİD-ə qarşı mübarizədə Azərbaycanın xüsusi xidmət orqanlarının digər dövlətlərin xüsusi xidmət orqanları ilə birləşməsi iddiasını ön plana çıxarıb.    

Nazirlər Kabineti jurnalsitlərin cəbhəyanı bölgələrə gedə bilmələri üçün Müdafiə Nazirliyində akkreditədən keçməli olduğu, Milli Təhükəsizlik Nazirlyinin razılığı kimi “qayda” tətbiq edir.

“Novoe Vremya”  ölkədə yeni devalvasiya və inflyasiya dalğasının yaxınlaşması xəbərdalığını ön plana çıxarıb.

“Bizim yol”  ölkədə bahalaşmanın yeni dalğasının başlamasını, istehlak malları və ərzaq məhsullarının qiymətlərinin sürətlə artmasını ilk səhifəyə çıxarıb.

Qəzet “Dizayn Construction” şirkətinin bir ildə Xətai rayonunda 73 tenderdə qalib gəlməsini araşdıraraq tenderlərin formal keçirilməsi, ciddi maxinasiyalara yol verdilməsi haqda araşdırma yazısı dərc edib.  

“Yeni Müsavat”  Kremlin layihəsi olan “Avrasiya İttifaqı” Hərəkatını Azərbaycanda yaratmaq səylərinə görə MTN-in keçmiş şefi Nəriman İmranovun və RF ədliyyə generalı İlqar Qasımovun həbsinə hazırlıq getməsi iddiasını ilk səhifəyə çıxarıb.

Jurnalist Rasim Əliyevin qətlində adı hallanan futbolçu Cavid Hüseynovun ailə üzvləri jurnalistin qətlində onun əlinin olmaması haqda açıqlamalar verirlər. Bu sırada Cavid Hüseynovun zaminə verilməsi haqda dövlət başçısına ünvanlanan müraciətə imza atdığı deyilən bəzi media mənsubları bu sənədi imzalamadıqlarını bildiriblər. 

Neftin qiymətinin bundan sonra da ucuzlaşmaqda davam edəcəyi barədə proqnoz verən ekspertlər “hətta qiymətlər əvvəlki səviyyədə olsa belə ötən illərdə olan gəlirləri əldə etməyin mümkün olmayacağı” bəyanatını səsləndiriblər.

Ərzağın növbəti dəfə “bahalaşma dalğasının” gəldiyini deyən ekspertlər bu tendensiyanın davamlı olacağı barədə xəbərdarlıq ediblər.