Rəsmi qəzetlər Azərbaycan dövlət başçısı İlham Əliyevin ölkəyə səfərə gələn qardaş Türkiyənin baş naziri Ahmet Davutoğlu ilə görüşünə dair xəbərləri, bəzi şəxslərin dövlət mükafatları və fəxri adlarla təltif olunması, bəzi şəxslərə fərdi təqaüdlərin verilməsi haqda sərəncamların mətnlərini ilk səhifələrdə yerləşdiriblər.
“Azadlıq” qəzeti Avropa Parlamentinin Azərbaycanla bağlı kəskin tənqidi qətnaməsini yenə ön plana çıxararaq, bunu iqtidara “gözlənilməz zərbə” kimi dəyərləndirir. Müxalif siyasətçilər sənədi “iqtidara indiyə qədər olmayan ciddi xəbərdarlıq” adlandırırlar.
İnsan haqlarını kobud şəkildə pozan rəsmi Bakı ilə əməkdaşlığa görə kəskin tənqidə məruz qalan BP şirkəti “bu sahədə problemlərin həllində iştiraka hazır olduğu” bəyanatı səsləndirib.
Son vaxtlar iqtidar daxilində bəzi rəsmilərin Rusiyapərəst mövqe sərgiləməsinə diqqət çəkən qəzet onları ““Rusiya havası”na oynamağa hazır olanlar” adlandırır.
Qəzet Vergilər Nazirliyi və anti-korrupsiya idarəsi əməkdaşlarının ABŞ-ın Kornegi Fondunun Azərbaycan nümayəndəliyində yoxlamalara başladığını yazır.
Rəsmi Bakını Qərb mediasında təbliğ edən Brenda Şafferin ARDNŞ rəhbərinin məsləhətçisi olduğunu yazan qəzet faktı “əsas lobbiçinin ifşası” adlandırır.
“Ekspress” qəzeti ehsan qadağasına etirazları ilk səhifəyə çəkərək, bunu “yas biznesi”nin təslim olmaması kimi qiymətləndirir.
Qəzet Türkiyə-Azərbaycan hərbi əməkdaşlığının uğurlu inkişafı şərəfinə qurbanlar kəsildiyini nəzərə çatdırır.
“Novoe Vremya” qəzeti Avropa Parlamentinin Azərbaycanı kəskin tənqidə məruz qoyan qətnaməsini və deputat Səməd Seyidovin sənədi “qanunun aliliyi prinsipinin pozulması” saymasını önə çəkir. Bu fonda deputata Azərbaycanın beynəlxalq qurumlar önündə götürdüyü öhdəlikləri yerinə yetirmədiyini xatırladaraq, “kim kimə qanunun aliliyinə öyrətməlidir?” sualı ünvanlayır.
“Bizim yol” qəzeti Avropa Parlamentinin Azərbaycanı kəskin təniqdə məruz qoyan qətnaməsinə görə iqtidar təmsilçilərinin Avropaya sərt ittihamlarını ilk plana çıxararaq, bunu “rəsmi Bakının kəskin etirazı” kimi təqdim edir.
“Yeni Müsavat” qəzeti rəsmi Bakının “ehsan islahatı”nın arxasında vəhabi izi olması iddiasını önə çəkərək, iddianı “din sahəsinə əl gəzdirmənin səbəbi barədə yeni bilgilər” kimi dəyərləndirir.
Ləyaqətsiz “teledavranışı” ilə tanınan deputat Etibar Hüseynov rus əsarəti dövründəki “Azərbaycan SSR”in himninin Bakının himni kimi qəbul olunmasını təklif edib.
Cəlilabad rayon sakini Qoşqar Rüstəmov sosial ümvanlı yardım almaq üçün rayon Sosial Müdafiə Mərkəzinin rüşvət tələbilə üz-üzə qalması haqda şikayət yazdığına görə 7-8 nəfər naməlum şəxs evinə basqın edib, ona hədə-qorxu gəlib.
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz