Mətbuat-Monitorinq 20.12.12

Rəsmi qəzetlər dövlət başçısı İlham Əliyevin Balaxanıda bərk məişət tullantılarının çeşidlənməsi zavodunun açılışında iştirakı, bəzi qanunlara dəyişikliklərlə bağlı imzaladığı fərmanlar haqqında yazırlar.  

“Azadlıq” qəzeti son günlər mediada PA rəhbəri Ramiz Mehdiyevə istefa bəyanatlarının səsləndirilməsini “Mehdiyevlə Paşayevlərin savaşının açıq müstəviyə keçməsi” kimi dəyərləndirir. 

Korrupsiya cinayətlərinə baxmayaraq, PA-nın rəhbəri R.Mehdiyevin vəzifədən kənarlaşdırılmamasını hüquqşünaslar “PA rəhbərində İlham Əliyevə qaşrı kompromatların olması” kimi şərh ediblər.  

2007-ci ildə Azərbaycandan qanunsuz deportasiya edilən Güney Azərbaycan Milli Oyanış Hərəkatının lideri Mahmudəli Çöhrəqanlı rəsmi Bakının razı olub-olmamasına baxmayaraq, Azərbaycana gələcəyini bildirib. 

Demokratiya Sıralaması Assosiasiyasının hesabatında Azərbaycanın demokratiyaya görə 129-cü, ifadə azadlığına görə 128-ci, korrupsiyaya qarşı mübarizədə 114-cü qeri tutaraq Afrika dövlətləri ilə bir sırada olmasını qəzet “rüsvayçı yerdə qərarlaşmaq” adlandırıb. 

“Zerkalo” . Nazirlər Kabineti ölkə daxilində aşkar olunan genetik modifikasiyalaşdırılmış bitkilərdən gələn mümkün təhlükələri müəyyən etmək qaydalarını təsdiq edib.   

“Ekspress”. Nazir müavini Araz Əzimov ATƏT-in Minsk Qrupu həmsədrlərini bir çox hallarda prinsipial olmamaqda ittiham edib. 

“Exo” yazır ki, “Fitch Ratings” reytinq agentliyinın yaydığı proqnozlarda Azərbaycanın bank sektorunun xammal konyukturundan asılı olduğu önə çəkilir.  

“Novoe Vremya” iqtidar mənsublarının Qarabağ münaqişəsinin tənzimlənməməsinə görə ATƏT-in Minsk Qrupu həmsədrlərini tənqid etmələrini rəsmi Bakının öz siyasətinin əsaslı olmamasını etiraf etməsi adlandırır. 

“Bizim yol” Rusiyada azərbaycanlıların iş yerlərinin kütləvi şəkildə bağlandığını, dərhal “rədd olub Rusiyanı tərk etmək tələb olunduğunu” yazaraq bunu “Putinin azərbaycanlıları Rusiyadan qovması” adlandırır. 

Dövlət büdcəsində hər 100 manatın 73 manatının neft pulu olduğunu yazan qəzet 20 milyarddan artıq vəsaitin qazanılmasında  hökumətin rolunun çox az olduğunu nəzərə çatdırır.  

“Yeni Müsavat”.  İsveçrədə “Azərcell” ilə bağlı aparılan araşdırmada şirkətin müxalifətçilərin danışıqlarını izləmək üçün xüsusi xidmət qurumlarına otaq verməsi, konsern rəhəbərliyinin istefaya hazırlaşması, Özbəkistan prezidentinin qızına ötürülən 250 milyon dollar rüşvətin köçürüldüyü hesabların məlum olması kimi faktlarn aşkarlanıb. 

Qəzet Naxçıvanda müstəqil medua mənsublarına hücum edilməsini “Naxçıvanda daha bir biabırçılıq” adlandırır. 

Adi yol qəzasına görə gənc müsavatçı Nigar Yaqubluya 2 il yarım həbs cəzası verilməsini qəzet “ölkə ədliyyəsindən ayıb hərəkət” kimi dəyərləndirir. 

Rəsmi Bakı tanınmış ziyalı Rüstəm İbrahimbəyovun sədri olduğu kinematoqrafiya qurumuna alternativ yaratdığı quruma pul ayırmayıb.    

Son aylar Dağıstanda Azərbaycana qarşı separatçı təbliğat olduqca güclənib.