“Siyasi məhbuslarsız Azərbaycan” İctimai Alyansı ombudsman Elmira Süleymanovanı və beynəlxalq təşkilatları, ilk növbədə ATƏT-i Azərbaycan həbsxanalarında məhbuslara qarşı zorakılığa son qoyulmasına çağırıb.
Alyansın ötən gün yaydığı bəyanatda deyilir ki, son vaxtlar islah müəssisələrindən məhbusların hüquqlarının pozulması, Penitensiar Xidmətin şəxsi heyəti tərəfindən zorakılıq və korrupsiyanın artması barədə həyəcanlı siqnallar daxil olur.
Alyans qeyd edir ki, Zaqatala rayon sakini Pərviz Mikayılovun rauon müalicə müəssisəsində vəfat etməsi ilə bağlı ziddiyyətli məlumatlar var. Mərhumun anası Fatma Əliyeva oğlunun zorakılıqla öldürüldüyünə təkid edir. Dekabrın 17-də ona məlumat verilib ki, oğlu intihar edib, lakin ana oğlunun bədənində qançır yeri və kəllə sınığı aşkar edib.
Bəyanatda qeyd olunur ki, hakimiyyət tanınmış siyasi xadimlərin saxlandığı 17 saylı koloniyada görünməmiş amansızlıq tətbiq edib. Onlar qanunsuzluğa və korrupsiyaya qarşı çıxdıqlarına görə zorakılığa məruz qalıblar. İşgəncələrə etiraz etdiyinə görə karserə salınan Milli Dövlətçilik Partiyasının lideri Nemət Pənahlı bildirib ki, dekabrın 6-na keçən gecə cəzaçəkmə müəssisəsinə xüsusi bölmələr gətirilib və narazı məhbuslara amansız rəftara məruz qalıblar. 2-3 saat ərzində dustaqları it kimi hürməyə, başqa heyvanları təsvir etməyə məcbur ediblər, söyüş yağdırıblar. Bu hərəkətlərə etiraz edən N.Pənahlı və digər dustaqlar 10 sutkalığa karserə salınıblar. Dekabrın 13-də o, aclığa başlayıb və üç gündən sonra buraxılıb. Aclığı dayandırmaqdan imtina etdiyinə görə dekabrın 18-də yeni rəis Arif Mirzəyev onu yenidən 5 sutkalığa karserə salıb. Karserdə olan dörd dustağa qarşı cinayət işi qaldırılıb.
Keçmiş məhbuslar alyansı cəzaçəkmə müəssisələrinə daxil olmaq üçün dəfələrlə müraciət göndəriblər, lakin hər dəfə rədd cavabı alıblar. Təşkilat əsassız imtinaları Avropa penitensiar qaydalarının pozulması və Ədliyyə Nazirliyinin Penitensiar Xidmətində ciddi problemlərin olmasına sübut kimi qiymətləndirir. 0—
Siyasət
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
-
“Abzas Media”nın həbsdə olan jurnalistlərinin yaxınları ilə telefon danışıqları 15 dəqiqədən 2 dəqiqəyə endirilib. Bu məhdudiyyət Bakıda COP29 beynəlxalq iqlim konfransının keçirilməsilə əlaqədardır.
Rəy yaz