Blinken
Çərşənbə axşamı dövlət katibi Entoni Blinken təyyarədən Türkiyənin xarici işlər naziri Hakan Fidana zəng edərək Yaxın Şərq və Cənubi Qafqazı müzakirə edib, səfər zamanı dövlət katibini müşayiət edən Turan-ın müxbiri bildirib.
Söhbət Blinkenin NATO və Avropa Komissiyasının rəhbərliyilə görüşmək üçün Avropaya ekstren səfəri zamanı baş tutub.
Həmsöhbətlər Yaxın Şərqdə diplomatik nizamlanmaya nail olmaq üçün cari səyləri, eləcə də Cənubi Qafqazda layiqli və möhkəm sülhün əldə edilməsinin vacibliyini müzakirə ediblər, Dövlət Departamentinin mətbuat katibi Metyu Miller zəngdən sonra bildirib
Blinken Qəzzada münaqişəyə son qoymağın, girovların azad edilməsini təmin etməyin, humanitar yardımı artırmağın və Qəzzada həyatı bərpa etmək üçün fələstinlilərə yol açmağın vaxtının çatdığını təkrarlayıb.
Bu gün Blinkenin Avropadan Latın Amerikasına yola düşməzdən əvvəl NATO və Avropa İttifaqı rəhbərliyilə, həmçinin Britaniya, Ukraynadan olan həmkarları və digər rəsmi şəxslərlə görüşəcəyi gözlənilir. O, Asiya-Sakit okean İqtisadi Əməkdaşlıq və G20 sammitlərində iştirak edəcək.
Siyasət
-
Noyabrın 13-də prezident İlham Əliyev COP29 iqlim konfransında çıxışını Fransa və Hollandiyanın kolonial siyasətinin təhlilinə həsr edib.
-
Dövlət və hökumət başçıları COP29 iqlim konfransında iştirak etmək üçün Bakıya gəlməyə davam edirlər.
-
BBC: BMT-nin Beynəlxalq Ədalət Məhkəməsi (ICJ) Azərbaycan və Ermənistanın qarşılıqlı iddialarını araşdırmağa razılaşıb. Hər iki ölkə bir-birini Dağlıq Qarabağdakı vəziyyətlə bağlı Bütün Formalı İrqi Ayrı-seçkiliyin Ləğv Edilməsi haqqında Beynəlxalq Konvensiyanı pozmaqda ittiham edir.
-
"Azərbaycan və Ermənistandan olan bir qrup hidroloq və mühəndis bizim fəal dəstəyimizlə transsərhəd çaylar üçün inteqrasiya olunmuş su idarəçiliyi sxemi üzərində birgə işləyir", bu barədə noyabrın 12-də ABŞ-ın Azərbaycandakı səfiri Mark Libbi X sosial şəbəkəsindəki hesabında yazıb.
Rəy yaz