Azərbaycanlı müxalifətçinin qızı Maqnitski mükafatına layiq görülüb
Azərbaycanlı siyasətçi və alim Qubad İbadoğlunun qızı Jalə Bayramova "İnsan hüquqları üzrə görkəmli gənc fəal" nominasiyasında 2024-cü il Maqnitski mükafatına layiq görülüb.
O bu mükafata atası - doktor Qubad İbadoğlunun işinə diqqəti yönəltmək üçün əməyinə və onun azad edilməsi uğrunda kampaniyaya görə layiq görülüb, "Ədalət naminə Maqnitski” qlobal kampaniyası bildirib.
"Atəş altında cəsarət" nominasiyasının laureatı rusiyalı müxalifətçi Aleksey Navalnının dul xanımı Yuliya Navalnaya olub.
* Xatırladaq ki, tanınmış iqtisadçı Qubad İbadoğlu saxta valyuta hazırlamaqda ittiham olunaraq ötən il iyulun 23-də həbs edilib.
Yerli və beynəlxalq təşkilatların çoxsaylı çağırışlarından sonra bu il aprelin 22-də İbadoğlunun həbsi ev dustaqlığı ilə əvəz olunub.
Qubad İbadoğlu ona qarşı irəli sürülən ittihamları rədd edir və həbsinin siyasi sifariş olduğunu bildirir.
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz