Mətbuat-Monitorinq 21-22.04.13

Rəsmi qəzetlər səhifələrinin əksəriyyətini mərhum dövlət başçısı   Heydər Əliyevin mayın 10-da anadan olmasının ildönümü münasibətilə yazı və məqalələrə həsr ediblər.

“Azadlıq” qəzeti ağır maddi durumu ilə bağlı abunə kampaniyasına qoşulmaq və maddi yardım göstərmək üçün oxuculara yenidən çağırış edib. 

Sumqayıt polisi Ümid Partiyasının şəhərdə keçirilən müşavirəsinə müdaxilə edərək iştirakçıları zorla bayıra çıxarmaqla tədbiri pozub.   

7 üzvü həbsə alınan “NİDA” gənclər hərəkatının üzvlərindən biri, 

Müsavat Partiyasının başqanı İsa Qəmbərin oğlu Turqut Qəmbər istintaqa çağırılıb. 

Müxalif siyasətçilər ölkədə idarəetmə sistemini dəyişmədən yalnız hansısa vəzifəli kadrları dəyişməyin müsbət nəticəsi olmayacağı barədə  proqnozu veriblər.

Keçmiş rektor Elşad Abdullayev MTN generalı Akif Çovdarovun qardaşı Mahir Abdullayevi oğurlamaq cəhdləri, Binəqədinin keçmiş polis rəisi Ələmdar Tağıyevin adı ilə Rusiyada yaşaması, Bakıya ölmüş adamın pasportu ilə gəlib- getməsi haqda açıqlama verib.        

Azərbaycanda hər min nəfərə 20 məmur düşdüyünü, ölkədə nazirliklərin sayının orta Avropa göstəricisindən 4 dəfə çox olduğunu yazan qəzet buna ironiya ilə “məmur bolluğuna görə lider ölkə” mövqeyini ifadə edir.   

“Yeni Müsavat” YAP-çı deputat Siyavuş Novruzovun “Azadlıq” radiosunu birtərəfli təbliğat aparmaqda ittiham etməsini “radionun hədəfə alınması” adlnadırır.

Qəzet bu yaxınlarda Naxçıvanda tanınmış siyasətçi İbrahim İbrahimliyə hücum edənlərdən bəzilərinin kimlyinin müəyyən olunduğunu yazır. 

Keçmiş deputat Nazim Məmmədov Mikayıl Cabbarovun təhsil naziri təyin olunmasına “təhsil mafiyası”nın öhdəsindən gələcəyi” şərhini verib. 

Ekspertlər ölkədə son kadr dəyişikliklərini yeni hakim komandanın formalaşdırılması, prezidentliyə yeni namizədin olacağı kimi şərh edirlər. 

Müdafiə naziri Səfər Əbiyev və daha bir neçə “köhnə nazir”in vəzifədən çıxarılacağını yazan qəzet “xalqın narazılığını azalda bilmək islahatı” adlandırır. 

Qəzet 7 iri dövlət müəssisəsinin 5 milyard manatdan çox vergi borcunun yarandığını, Vergilər Nazirliyinin isə buna qarşı tədbir görmədiyini yazır.