![Polis Ümid Partiyasının və QAT-ın tədbirlərini pozub](https://turan.az/resized/750/500/resize/media/2013/main/042200035478.jpg)
Polis Ümid Partiyasının və QAT-ın tədbirlərini pozub
Bazar günü Sumqayıtda Ümid Partiyasının müşavirəsi baş tutmayıb. 30-a yaxın yerli polis əməkdaşı və mülki geyimli şəxslər partiyanın icarə etdiyi yerə daxil olaraq müşavirə iştirakçılarını bayıra çıxarıblar. 15-ə yaxın adam saxlanılıb.
Ümid Partiyasının lideri, parlamentin deputatı İqbal Ağazadə baş verənləri “özbaşınalıq və hakimiyyətin siyasi partiyalara münasibətinin göstəricisi” adlandırıb.
O bildirib ki, Ümid Partiyası dövlət qeydiyyatından keçib, dövlət büdcəsindən maliyyələşdirilir və polisin tədbirə müdaxiləsi üçün heç bir qanuni əsas olmayıb.
Partiya polisin hərəkətindən məhkəməyə şikayət etmək və tədbirin pozulması ilə bağlı göstəriş verənlərin maddi kompensasiya ödəməsini tələb etmək niyyətindədir.
Eyni zamanda Qarabağ Azadlıq Təşkilatı aprelin 21-də Ağdam rayonunun Sarıcalı və Quzanlı kəndlərində polisin təşkilatın tədbirinə müdaxiləsi barədə məlumat verib.
Xatırladaq ki, şənbə günü aprelin 20-də polis AXCP-nin Sabirabadda müşavirəsini və Qəbələ rayonunun Nic kəndində tədbirini pozub.06D--
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz